ايدا بالاەۆا مەملەكەت پەن ازاماتتىق قوعام اراسىنداعى ءوزارا ءىس-قيمىلدىڭ جاڭا تاسىلدەرىن اتادى

ازاماتتىق فورۋمنىڭ پلەنارلىق بولىمىنە الماتى قالاسىنىڭ اكىمى باقىتجان ساعىنتاەۆ, الماتى قالاسى قوعامدىق كەڭەسىنىڭ توراعاسى راحمان الشانوۆ, "الماتى قالاسىنىڭ كاسىپوداقتار ورتالىعى" اۋماقتىق كاسىپوداقتار بىرلەستىگىنىڭ ءتورايىمى زاۋرەش ومىرباەۆا, ۇەۇ وكىلدەرى قاتىستى.

"كەز كەلگەن مەملەكەت الەۋمەتتىك ماڭىزدى ماسەلەلەردى شەشۋدە سەنىمدى سەرىكتەستىكتى تالاپ ەتەدى. بۇل تۇرعىدا قوعامنىڭ ءتۇرلى سالالارىنىڭ پروبلەمالارىن بىلەتىن ۇەۇ-عا ۇلكەن سەنىم ارتىلادى. سوندىقتان ۇەۇ بەلسەندىلىگى ءبىز ءۇشىن ارقاشان ماڭىزدى", دەپ اتاپ ءوتتى مينيستر ايدا بالاەۆا.

ونىڭ ايتۋىنشا, مەملەكەتتىك ورگانداردىڭ ۇەۇ-مەن جوبالىق ءوزارا ءىس-قيمىل ماسەلەسى قايتا قارالۋدا. ىسكە اسىرىلعان بىرلەسكەن جوبالاردىڭ ساپالىق كورسەتكىشى ساندىق كورسەتكىشتەن باسىم بولادى. بۇل ءۇشىن مەملەكەتتىڭ 10 جىلعا ارنالعان الەۋمەتتىك باعدارلانعان ستراتەگياسىن ازىرلەۋ جانە بەكىتۋ تۋرالى ماسەلە باستاما بولدى, ونىڭ ىرگەتاسى ادام مەن ونىڭ قاجەتتىلىكتەرى بولادى.

اقپارات جانە قوعامدىق دامۋ ءمينيسترى ۇكىمەتتىك ەمەس ۇيىمداردى كاسىبيلەندىرۋدىڭ ماڭىزدىلىعىن ەرەكشە اتاپ ءوتتى.

"قازىرگى ۋاقىتتا ۇەۇ-دى كاسىبيلەندىرۋ بويىنشا جۇمىستار جۇرگىزىلۋدە. اتاپ ايتقاندا, "ۇەۇ اكادەمياسى" جوباسى ىسكە اسىرىلۋدا, ونىڭ بازاسىندا ازاماتتىق سەكتور كوشباسشىلارى دايارلانىپ, قوعامدىق بىرلەستىكتەردىڭ كاسىبي داعدىلارى داميتىن بولادى. بۇل قازاقستانداعى ۇەۇ باسشىلارى ءۇشىن قاجەتتى قۇقىقتىق جانە باسقارۋشىلىق ءبىلىمنىڭ العاشقى جۇيەلەندىرىلگەن كۋرسى",  دەپ حابارلادى ا.بالاەۆا.

ەلىمىزدە ازاماتتىق سەكتوردى ودان ءارى دامىتۋ ءۇشىن مينيسترلىك سەرتيفيكاتتالعان ساراپشىلار ينستيتۋتىن قۇرۋ جانە ۇەۇ گرانتتىق جوبالارىنىڭ بيۋدجەتىن جوسپارلاۋ فورماتىن وزگەرتۋ بويىنشا جۇمىس جۇرگىزۋدە.

ەستەرىڭىزگە سالا كەتەيىك, "قوعام جانە مەملەكەت: "Birgemiz" سەرىكتەستىگى مەن دامۋىنىڭ 30 جىلى" اتتى وڭىرلىك ازاماتتىق فورۋمدار 2020 جىلعى 23-27 قاراشادا وتەتىن قازاقستاننىڭ IX ازاماتتىق فورۋمى قارساڭىندا وتكىزىلەدى