“قازجولعزي” اق ۇسىنعان “جول بيتۋمىنىڭ جوعارى جانە تومەن تەمپەراتۋرالىق سيپاتتامالارىن جاقسارتۋ” عىلىمي-زەرتتەۋ جوباسى قازاقستان رەسپۋبليكاسى ءبىلىم جانە عىلىم مينيسترلىگى عىلىم كوميتەتىنىڭ 2020-2022 جىلدارعا ارنالعان عىلىمي جانە عىلىمي-تەحنيكالىق جوبالارىن گرانتتىق قارجىلاندىرۋ بايقاۋىندا جەڭىسكە جەتتى, دەپ حابارلايدى Egemen.kz.
قازىر عالىمدار جاڭا زەرتتەمە بويىنشا بەلسەندى جۇمىس جاساۋدا. ساراپشىلاردىڭ سوزىنشە, بۇگىندە رەسپۋبليكالىق جانە جەرگىلىكتى ماڭىزى بار جولداردا اسفالتبەتون جامىلعىسى باسىم. اتالعان ماتەريال تەمپەراتۋرا اسەرىنە سەزىمتال. سوندىقتان دا بيتۋمنىڭ نەمەسە بيتۋم بايلانىستىرعىشتىڭ تەمپەراتۋرالىق تۇراقتىلىعى اسفالتبەتوننىڭ توزىمدىلىگىندە شەشۋشى ءرول وينايدى. ياعني ونىڭ تومەن تەمپەراتۋراداعى جارىلعىشتىعى جانە پلاستيكالىق دەفورماتسياعا توزىمدىلىگى وسىعان بايلانىستى.
ينستيتۋت عالىمدارى اسفالتبەتون جابىندىسىنىڭ بۇزىلۋىن الدىن الۋ ءۇشىن سۇيىلتىلعان جانە موديفيكاتسيالانعان بيتۋمدى قولدانۋعا بولاتىنىن ايتىپ ۇسىنۋدا. باسقاشا ايتقاندا, جول قۇرىلىسىندا ءداستۇرلى تۇردە قولدانىلاتىن تۇتقىر جول بيتۋمى شايىرمەن سۇيىتىلىپ, پوليمەرلەرمەن موديفيكاتسيالانباق.
گرانتتىق جوبا اياقتالىپ, اپروباتسيادان وتكەننەن كەيىن موديفيكاتسيالانعان جانە سىعىمدالعان بيتۋم قازاقستان اۆتوموبيل جولدارىن سالۋ مەن جوندەۋدە قولدانىلاتىن بولادى.