2020 جىلعى 16-قاراشادان باستاپ iQala پورتالى تاعى 5 قىزمەتپەن تولىقتىرىلدى, دەپ حابارلايدى Egemen.kz ەلوردا اكىمىنىڭ ءباسپاسوز قىزمەتىنە سىلتەمە جاساپ.
بۇگىن ەلوردا تۇرعىندارى iQala ورتالىعىنىڭ كەڭسەسى مەن پورتالىندا كەلەسى ۇيىمداردىڭ قىزمەتتەرىن الا الادى:
"استاناەنەرگوسبىت" جشس:
1) زاڭدى تۇلعالارعا (ونىڭ ىشىندە جك قۇرماعان جەكە تۇلعالارعا) ارنالعان تۇرمىستىق ەمەس تۇتىنۋ ءۇشىن جىلۋ ەنەرگياسىمەن جابدىقتاۋ بويىنشا قىزمەتتەر كورسەتۋگە ارنالعان شارتتىڭ قولدانىلۋ مەرزىمىن ۇزارتۋ تۋرالى قوسىمشا كەلىسىم جاساسۋ;
2) ەلەكتر ەنەرگياسىن تۇرمىستىق ەمەس مۇقتاجدار ءۇشىن پايدالاناتىن تۇتىنۋشىلارعا (ونىڭ ىشىندە جك قۇرماعان جەكە تۇلعالارعا) ارنالعان ەلەكترمەن جابدىقتاۋ شارتىنىڭ قولدانىلۋ مەرزىمىن ۇزارتۋ تۋرالى قوسىمشا كەلىسىم جاساسۋ;
"استانا-اەك" اق:
1) تۇتىنۋشىنىڭ ءوتىنىمى بويىنشا ەسەپكە الۋ جۇيەسىن تەكسەرۋگە, كورسەتكىشتەردى الۋعا جانە ەسەپكە الۋ جۇيەسىن پلومبالاۋعا وتىنىمدەر قابىلداۋ;
"استانا سۋ ارناسى" مكك:
1) جەكە تۇلعالار ءۇشىن قىزمەت كورسەتۋ شەكاراسىنا, سۋمەن جابدىقتاۋ جانە كارىز جەلىلەرىنىڭ جاي-كۇيىنە جاۋاپكەرشىلىكتى بەلگىلەۋگە اكتى بەرۋ;
2) زاڭدى تۇلعالار ءۇشىن قىزمەت كورسەتۋ شەكاراسىنا, سۋمەن جابدىقتاۋ جانە كارىز جەلىلەرىنىڭ جاي-كۇيىنە جاۋاپكەرشىلىكتى بەلگىلەۋگە اكتى بەرۋ.
بۇگىنگى تاڭدا ورتالىق جەكە جانە زاڭدى تۇلعالارعا 137 قىزمەت ءتۇرىن ۇسىنادى, قولدانۋشىلارعا ىڭعايلى بولۋى ءۇشىن قولجەتىمدى قىزمەتتەر ءتىزىمى www.iqala.kz پورتالىنىڭ باستى بەتىندە ورنالاستىرىلعان.
ەسكە سالا كەتەيىك, iQala ورتالىعى "استانا - ادالدىق الاڭى" جوباسى اياسىندا نۇر-سۇلتان قالاسىنىڭ اكىمدىگىنىڭ باستاماسىمەن قۇرىلدى.
ورتالىقتىڭ فرونت-كەڭسەسى قوشقارباەۆ داڭعىلى, 29 مەكەنجايىندا ورنالاسقان. قالا تۇرعىندارى iQala-نىڭ جۇمىسىنا قاتىستى تۋىنداعان بارلىق سۇراقتار بويىنشا 109 بىرىڭعاي بايلانىس ورتالىعىنىڭ (i-Komek) تەلەفونىنا حابارلاسا الادى.