ەلوردامىزداعى "جاس سارباز" تاربيەلەنۋشىلەرىنە "جاس سارباز" قوزعالىسىندا بار ەكەنىن راستايتىن كۋالىگى تابىستالدى. ءىس-شارا نۇر-سۇلتان قالاسى اكىمدىگىنىڭ "جاستار ساياساتى باسقارماسى", نۇر-سۇلتان قالاسى اكىمدىگىنىڭ "استانا جاستارى" كمم, قر قك ۇلتتىق اسكەري-پاتريوتتىق ورتالىعىنىڭ قولداۋىمەن, ونلاين فورماتتا ءوتتى, دەپ حابارلايدى Egemen.kz ەلوردا اكىمىنىڭ ءباسپاسوز قىزمەتىنە سىلتەمە جاساپ.
"بيىل العاشقى رەت 30 مەكتەپ 10 كوللەدج تاربيەلەنۋشىلەرىنە وسى قۇجاتتى تابىستادىق. شاراعا "جاس سارباز" جاسوسپىرىمدەر اسكەري-پاتريوتتىق قوزعالىسى رقب توراعاسى مەندىگاليەۆ مەيىربەك وراز ۇلى, اتالمىش وقۋ ورىندارىنىڭ باسشىلارى جانە وقۋشىلارى ونلاين فورماتتا قوسىلدى.
جىل سايىن ۇيىم قاتارىنا 1000-عا جۋىق "جاس سارباز" تاربيەلەنۋشىسىن قاتارىمىزعا قابىلداپ وتىرامىز. ءبىز ءاربىر قاتارىمىزعا قابىلدانعان وقۋشىمەن تىعىز جۇمىس اتقارامىز", – دەدى "جاس سارباز" جاسوسپىرىمدەر اسكەري-پاتريوتتىق قوزعالىسى رەسپۋبليكالىق قوعامدىق بىرلەستىگى نۇر-سۇلتان قالالىق فيليالىنىڭ توراعاسى نالشىبەك اسحات باعدات ۇلى.
ەسكە سالا كەتەيىك, "جاس سارباز" جاسوسپىرىمدەر اسكەري-پاتريوتتىق ۇيىمى وسىدان ەكى جىل بۇرىن ەلباسى ن.ءا. نازارباەۆتىڭ باستاماسىمەن ايبىندى جاستاردىڭ باسىن بىرىكتىرۋ ءۇشىن قۇرىلعان بولاتىن.
بۇگىندە رەسپۋبليكا بويىنشا "جاس سارباز" تاربيەلەنۋشىلەرىنىڭ سانى 200 مىڭعا جۋىقتاپ وتىر.
جىل سايىن تاربيەلەنۋشىلەرگە ارنالعان اسكەري قولدانبالى سپورت تۇرلەرىنەن, شىعارماشىلىق, سپورتتىق سايىستار, كەزدەسۋلەر, اسكەري-پاتريوتتىق جيىندار, ەرلىك ساباقتارى وتەدى.