"قوعام جانە مەملەكەت: سەرىكتەستىك پەن دامۋدىڭ 30 جىلى "Birgemiz" اتتى IX وبلىستىق ازاماتتىق فورۋم قىزىلوردا قالاسىندا "ازاماتتىق قوعام اپتالىعى" فورماتىندا ءوتىپ جاتىر, دەپ حابارلايدى Egemen.kz.
ازاماتتىق فورۋمعا قىزىلوردا وبلىسىنىڭ ۇەۇ, ساراپشىلار, بيزنەس قۇرىلىم وكىلدەرى, مەملەكەتتىك ورگان قىزمەتكەرلەرى, كاسىپوداق ۇيىمدارى مەن باق وكىلدەرى قاتىسىپ جاتىر.
ەلىمىزدىڭ قوعام بەلسەندىلەرىن بىرىكتىرەتىن ءداستۇرلى اۋقىمدى ءىس-شارانى بيىل جاڭا فورماتتا وتكىزۋ جوسپارلانىپ وتىر. ازاماتتىق فورۋم بەس كۇنگە جوسپارلانعان باعدارلامامەن ءوتىپ جاتىر.
ازاماتتىق قوعام اپتالىعى شەڭبەرىندە قازاقستان رەسپۋبليكاسىندا ازاماتتىق قوعامدى دامىتۋ تۇجىرىمداماسىنىڭ نەگىزگى باعىتتارىن تالقىلاۋ جوسپارلانعان. اتاپ ايتقاندا, ازاماتتاردىڭ شەشىم قابىلداۋعا قاتىسۋى; قوعامدىق باقىلاۋ — شىنايىلىق پەن مۇمكىندىكتەر; ۇەۇ باسەكەگە قابىلەتتىلىگى: تابىس فاكتورلارى, تاۋەكەلدەر, پەرسپەكتيۆالار; قوعام, مەملەكەت جانە بيزنەس ديالوگى اتتى باعىتتار تالقىلانۋدا.
فورۋم دەلەگاتتارى ونلاين فورماتتا رەسپۋبليكالىق فورۋمنىڭ ساراپشىلىق, پىكىرتالاس جانە وقىتۋ شارالارىنا قاتىسىپ, قازاقستان رەسپۋبليكاسىنداعى ازاماتتىق قوعامنىڭ دامۋى بويىنشا ءوز سۇراقتارىن كوتەرە الۋدا. IX وبلىستىق ازاماتتىق فورۋمى بەس كۇن وتەدى.