"DALA-CONSTRUCTION.KZ" جشس – قالاداعى ءىرى تەمىر-بەتون بۇيىمدارىن وندىرەتىن كاسىپورىن. 2002 جىلى قۇرىلعان زاۋىت بۇگىندە 210 ادامدى جۇمىسپەن قامتىپ وتىر, دەپ حابارلايدى Egemen.kz شىمكەنت قالاسى اكىمىنىڭ ءباسپاسوز قىزمەتىنە سىلتەمە جاساپ.
شىمكەنت قالاسىنىڭ اكىمى مۇرات ايتەنوۆ كاسىپورىننىڭ بۇگىنگى تىنىس-تىرشىلىگىمەن تانىسىپ, جۇمىس بارىسىن ارالاپ كوردى.
كاسىپورىن جىلىنا 240 مىڭ شارشى مەتر تەمىر-بەتون بۇيىمدارىنىڭ جابىن پليتاسىن, 85 مىڭ شارشى مەتر قۇراما-كاركاستى ءۇيدىڭ تەمىر-بەتون بۇيىمدارىن, 32 مىڭ شارشى مەتر وندىرىستىك عيماراتتار دايىنداۋعا قاۋقارلى.
سونداي-اق, 4,5 مىڭ دانا سۋ شارۋاشىلىعى قۇرىلىسىنا ارنالعان تەمىر-بەتون ناۋالارى, 4,8 مىڭ دانا تەمىر-بەتون ەلەكتر جەلىلەرىنىڭ باعاندارى, 6 مىڭ دانا مەتالل ەسىكتەر شىعارادى.
زاۋىتتىڭ جالپى جەر ۋچاسكەسىنىڭ اۋماعى – 20 گا. كاسىپورىن باسشىسىنىڭ ايتۋىنشا, دايىن ونىمدەر 100% ىشكى نارىققا جونەلتىلۋدە. سونداي-اق, زاماناۋي قۇرالدارمەن جابدىقتالعان كاسىپورىن ارنايى جانە قوسالقى 100-دەن استام تەحنيكامەن قامتىلعان.