"وڭتۇستىك" وڭىرلىك قولباسشىلىعىنا قاراستى اسكەري بولىمىندە روتا كومانديرلەرىنىڭ وقۋ-ادىستەمەلىك جيىنى ءوتتى, دەپ حابارلايدى Egemen.kz
25-تەن استام اسكەري قىزمەتشى قاتىسقان جيىندى ءبولىم كومانديرى پودپولكوۆنيك نۇركەن كاراگۋلوۆتىڭ باسشىلىعىمەن جۇزەگە اسىردى. جيىن باعدارلاماسىندا اتىس, تاكتيكالىق, ساپتىق, فيزيكالىق, تەحنيكالىق دايارلىق, اسكەري قىزمەت قاۋىپسىزدىگىن قامتاماسىز ەتۋ ماسەلەلەرى قامتىلعان.
دارىستەردە, تاكتيكالىق جانە كورنەكى ساباقتاردا وفيتسەرلەر جەكە قۇرامدى وقىتۋ مەن تاربيەلەۋدىڭ وزىق تاجىريبەلەرىمەن تانىستى, جاۋىنگەرلىك دايارلىقتىڭ, ىشكى قىزمەتتى ۇيىمداستىرۋدىڭ جانە بولىمشەلەردىڭ كۇندەلىكتى قىزمەتىنىڭ ادىستەمەلىك داعدىلارىن بەكىتتى.
"جيىن بارىسىندا ءبىز جاڭا ءبىلىم الدىق, پراكتيكالىق داعدىلاردى بەكىتتىك, سونداي-اق جەكە قۇرامدى باسقارۋ ماسەلەلەرى بويىنشا روتانىڭ باسقا كومانديرلەرىمەن تاجىريبە الماسۋ مۇمكىندىگىنە يە بولدىق. وسىنىڭ بارلىعى بىزگە ءارى قاراي قىزمەتتە كومەكتەسەدى", دەپ اتاپ ءوتتى روتا كومانديرى كاپيتان ەرسەيىت تاجىباەۆ.
سوڭعى كەزەڭدە روتا كومانديرلەرى جاۋىنگەرلىك دايارلىقتىڭ بارلىق پاندەرى بويىنشا سىناقتار تاپسىردى. وفيتسەرلەردىڭ دايىندىق دەڭگەيىن باعالاۋ كەزىندە, ەڭ الدىمەن, تەز وزگەرەتىن جاعدايداعى بولىمشەلەردى باسقارۋدىڭ جاڭا ادىستەرىن ساپالى قولدانۋعا نازار اۋدارىلدى.