كوپىر سالۋ - ساۋاپتى ءىس ەكەنىن ەجەلدەن بىلەمىز. جۋىقتا كوكپەكتى اۋدانى, قايىڭدى اۋىلىن ەكىگە ءبولىپ اعىپ جاتقان وزەنگە جاڭا كوپىر سالىندى.
سوڭعى ۋاقىتتا جەرگىلىكتى تۇرعىندار مەن جولاۋشىلار قايىڭدى اۋىلىنداعى وزەنگە كوپىر كەرەكتىگىن ءجيى ايتا باستاعان. ايتاتىن جوندەرى دە بار ەدى. ەسكى كوپىر 1970 جىلى سالىنىپ, ون جىل وتكەن سوڭ قايتا ءبىر بيىكتەتىپ جوندەلگەن. سول ۋاقىتتان بەرى اۋىلدىڭ ەكى جاعىن جالعاپ كەلە جاتقان كوپىردىڭ ماتەريالدارى ءشىرىپ, توزىعى ابدەن جەتكەن. كولىكتەردىڭ وتۋىنە قاۋىپ تونگەن سوڭ تۇرعىندار ماسەلە كوتەرە باستاعان.
ورىندى كوتەرىلگەن ماسەلەگە قۇلاق اسقان كوكپەكتى اۋدانىنىڭ باسشىلىعى بيۋدجەتتەن قارجى ءبولىپ, قۇرىلىسقا كىرىستى. جەكە كاسىپكەر سامارقان جوتاباەۆ ءوزىنىڭ تەحنيكالارىن جۇمىلدىرىپ, نىساننىڭ سالىنۋىنا ۇلكەن قولداۋ كورسەتتى.
كوپىردىڭ ۇزىندىعى 11, ەنى 4,60 مەتر. سونداي-اق, جاياۋ جۇرگىنشىلەرگە ارنالعان قوسىمشا جولاعى بار. تۇرعىنداردىڭ يگىلىگى ءۇشىن سالىنعان بۇل وتكەل تەمىردەن قۇراستىرىلعاندىقتان, ساپالى ءارى قاۋىپسىز.
جاڭا نىسان اۋىلدىقتار ءۇشىن وتە ماڭىزدى بولعاندىقتان, سالتاناتتى تۇردە لەنتاسى قيىلىپ, قۇتتى بولسىن ايتىلدى.
شىعىس قازاقستان وبلىسى