قوستاناي وبلىسىندا ەكى ەلىك اتىپ العان براكونەرلەر توبى ۇستالدى. ولاردان ەكى ۇڭعىلى مىلتىق تاركىلەنىپ الىندى. قوستاناي وبلىسىنىڭ ۇزىنكول اۋدانىندا وتكەن جەدەل-الدىن الۋ ءىس-شاراسى بارىسىندا زاڭسىز اڭ اۋلادى دەگەن كۇدىكپەن بىرنەشە ادام ۇستالدى, دەپ حابارلايدى Egemen.kz.
7 قاراشا كۇنى ۇزىنكول اۋداندىق پوليتسيا ءبولىمىنىڭ ۋچاسكەلىك ينسپەكتورى مەن پرەسنوگوركوۆ اۋىلدىق وكرۋگىنىڭ قورىقشىسى كونياەۆو كولىنىڭ ماڭىندا "Toyota Hilux" ماركالى اۆتوكولىكتى ۇستايدى. قوستاناي وبلىسىنىڭ ءتورت تۇرعىنى وتىرعان جول تالعامايتىن كولىكتىڭ جانىندا زاڭسىز اتىلعان ەلىك جاتقان. تەكسەرۋ بارىسىندا پوليتسيا قىزمەتكەرلەرى "Toyota Hilux" اۆتوكولىگىن, ەلىكتىڭ دەنەسىن, 16 كاليبرلى تىركەلمەگەن ەكى ۇڭعىلى مىلتىقتى تاركىلەدى.
"اتالعان دەرەك قر قك 337-بابى بويىنشا تىركەلىپ, تەرگەۋ جۇرگىزىلۋدە", - دەپ مالىمدەدى وبلىستىق پوليتسيا دەپارتامەنتىنىڭ ءباسپاسوز قىزمەتى.