پرەمەر-ءمينيستردىڭ ورىنباسارى رومان سكليار اكىم عالي ەسقاليەۆپەن بىرگە مەملەكەت باسشىسىنىڭ جولداۋىنىڭ ىسكە اسىرىلۋ بارىسىمەن تانىستى, ونىڭ ىشىندە "نۇرلى جەر" باعدارلاماسى شەڭبەرىندە ستراتەگيالىق جانە ونەركاسىپتىك ماقساتتاعى بىرقاتار وبەكتىلەردى, سالىنىپ جاتقان الەۋمەتتىك نىسانداردى تەكسەردى. بارلىق قاجەتتى جۇمىستاردىڭ ساپالى ورىندالۋىن جانە ۋاقىتىلى اياقتالۋىن قامتاماسىز ەتۋ بويىنشا مىندەتتەر جۇكتەدى, دەپ حابارلايدى Egemen.kz پرەمەر-ءمينيستردىڭ ءباسپاسوز قىزمەتىنە سىلتەمە جاساپ.
وسىلايشا, ر. سكليار ورال قالاسىنىڭ سولتۇستىك-شىعىس بولىگىندە جاڭا شاعىن اۋداننىڭ سالىنۋ بارىسىن, سونداي-اق تەرەكتى اۋدانىنىڭ تۇقپاي اۋىلىنداعى التى پاتەرلى 20 تۇرعىن ءۇيدىڭ قۇرىلىسىن تەكسەردى. بۇل وبەكتىلەر "نۇرلى جەر" باعدارلاماسى بويىنشا سالىنۋدا, ولاردى اعىمداعى جىلى اياقتاۋ جوسپارلانىپ وتىر.
"باتىس سۋ ارناسى" جشس ارالاۋ بارىسىندا سۋمەن قامتاماسىز ەتۋ ماسەلەلەرى قارالدى. وبلىس ورتالىعىندا قوسىمشا ۇڭعىمالاردى بۇرعىلاۋ ارقىلى بەرىلەتىن سۋ كولەمىن ۇلعايتۋ جوسپارلانۋدا, بۇل رەتتە اپاتتاردىڭ الدىن الۋ ماقساتىندا قىسىم مالىمەتتەرىن بەرىلگىشتەر ورناتىلادى. پودستەپنوە اۋىلىندا بۇقارالىق سپورتتى دامىتۋ بارىسى تۋرالى باياندالدى. اۋدانى 1000 ش.م. دەنە شىنىقتىرۋ-ساۋىقتىرۋ كەشەنىنىڭ قۇرىلىسى اعىمداعى جىلدىڭ جەلتوقسان ايىندا اياقتالادى. وبلىس بويىنشا جالپى سانى 26 دشس كەشەنىن سالۋ جوسپارلانعان. بۇگىنگى تاڭدا بيۋدجەت جانە جەكە ينۆەستيتسيا ەسەبىنەن 14 كەشەن سالىندى.
ۇكىمەتتىك دەلەگاتسيا سونىمەن قاتار "زەنيت" ورال زاۋىتى" اق, "ۋرالسكاگرورەمماش" اق, "گيدروپريبور" عزي, "كۋبلەي" جشس-ىندە بولدى.
ساپار قورىتىندىسى بويىنشا رومان سكليار ءوڭىر حالقى ءۇشىن جۇرگىزىلىپ جاتقان جۇمىستاردىڭ ماڭىزدىلىعىن اتاپ ءوتىپ, وبلىس باسشىلىعىنا ولاردىڭ ورىندالۋىن پارمەندى باقىلاۋدى قامتاماسىز ەتۋدى تاپسىردى.