وسكەمەندە قۇتقارۋشىلار قاراۋسىز قالعان ەكى قاباتتى ءۇيدىڭ توبەسىنەن 9 جاستاعى بالانى ءتۇسىردى, دەپ حابارلايدى Egemen.kz وڭىرلىك تجد ءباسپاسوز قىزمەتىنە سىلتەمە جاساپ.
ءۇيدىڭ شاتىرىنا اعاشتىڭ بۇتاقتارى ارقىلى شىققان بالا بۇتاقتار سىنعان سوڭ وزدىگىنەن تۇسە الماي قالعان. ول كەزدە كۇن باتىپ, دالادا قاراڭعىدىق باسا باستاعان ەكەن.
ول جارتى ساعات وتكەندە ايعايلاپ كومەك سۇرايدى. بالانى سول جەردەن ءوتىپ بارا جاتقان ايەل ەستىپ قالادى جانە بىردەن قۇتقارۋشىلاردى شاقىرادى.
"شۇعىل-قۇتقارۋ وتريادىنىڭ ماماندارى وقيعا ورنىنا كەلەدى جانە عيماراتتىڭ توبەسىنە ساتى ارقىلى شىعىپ, بالانىڭ جاعدايىن بىلەدى. ءبارى دۇرىس, تەك تومەنگە تۇسە الماي وتىرعانىن ءبىلىپ, ونى جەرگە ءتۇسىردى جانە اناسىنا تابىستادى", دەلىنگەن حابارلامادا.
شقو تجد اتا-انالاردان بالالارىن قاراۋسىز قالدىرماۋدى سۇرايدى. قۇتقارۋشىلار بالالاردى جالعىز قاراۋسىز قالعان نەمەسە قۇرىلىس ءجۇرىپ جاتقان ورىندارعا جىبەرۋگە بولمايتىنىن ەسكەرتتى.