سەمەي قالاسىندا تاڭىربەرگەنوۆ - نارودنايا كوشەلەرىنىڭ اينالما جول ايرىعىندا "ۆاز-21114" اۆتوكولىگىنىڭ 29 جاستاعى جۇرگىزۋشىسى تىزگىنگە يە بولا الماي, تەمىر قورشاۋعا سوعىلعان, دەپ حابارلايدى Egemen.kz
جول-كولىك وقيعاسى سالدارىنان 41 جاستاعى جولاۋشى العان دەنە جاراقاتىنان قايتىس بولدى. ال جۇرگىزۋشى وقيعا ورنىنان قاشىپ كەتكەن.
"جول اپاتىنان كەيىن جاسىرىنعان جۇرگىزۋشى "بوبروۆكا" ساياجاي ماڭايىندا ۇستادى", دەدى وبلىستىق پوليتسيا دەپارتامەنتىنىڭ باستىعى ساعات ماديەۆ.
اتالعان فاكتى بويىنشا سوتقا دەيىنگى تەرگەۋ باستالدى. قازىرگى ۋاقىتتا جۇرگىزۋشى ۋاقىتشا ۇستاۋ يزولياتورىنا قامالدى. بىرقاتار سوت ساراپتامالارى تاعايىندالدى.