بەلگىسىز بىرەۋدىڭ تەحنيكا دۇكەنىنە جاساعان شابۋىلى ۆيدەوعا ءتۇسىپ قالعان. وقيعا پاۆلودار قالاسىندا ورىن الىپدى, دەپ حابارلايدى Egemen.kz
Instagram جەلىسىندە جاريالانعان ۆيدەودا ەر ادامنىڭ دۇكەندەگى ۇيالى تەلەفونداردى الىپ, جەرگە لاقتىرىپ جاتقانى كورىنەدى. ساتۋشىلاردىڭ ءبىرى ونى توقتاتپاق بولادى, الايدا ول وعان دا تەلەفون لاقتىرىپ, توبەلەس شىعارعان.
پوليتسەيلەردىڭ ايتۋىنشا, ەر ادامنىڭ پسيحيكالىق اۋرۋى بار ەكەنى بەلگىلى بولدى, ەسەپتە تۇر. 20 مينۋت بۇرىن ءبىر ايەل پوليتسياعا قوڭىراۋ شالىپ, ناۋقاس ۇلىنىڭ ۇيدەن قاشىپ كەتكەنىن حابارلاعان.
ۆەدومستۆو مالىمەتىنشە, وقيعا ورنىنا كەلگەن جەدەل جاردەم قىزمەتكەرلەرى 28 جاستاعى ەر ادامدى اۋرۋحاناعا جاتقىزعان.