تۇركىستان وبلىسىنىڭ پوليتسەيلەرى كارانتين كەزىندە كوكپار ۇيىمداستىرعان تۇرعىندى جاۋاپقا تارتتى, – دەپ حابارلايدى Polisia.kz.
تۇركىستان وبلىسىنىڭ باس مەملەكەتتىك سانيتارلىق دارىگەرىنىڭ قاۋلىسىنا سايكەس وبلىس بويىنشا كارانتين رەجيمىن ساقتاۋ, ياعني بەتپەردە تاعىپ ءجۇرۋ, اراقاشىقتى ساقتاۋ كوزدەلگەنى بەلگىلى. وسىعان وراي تولەبي اۋدانىنىڭ پوليتسەيلەرى كۇندەلىكتى كارانتين تالاپتارىنىڭ ساقتالۋى بويىنشا رەيدتىك تەكسەرۋ ءىس-شارالارىن جۇرگىزۋدە.
وسىنداي كەزەكتى رەيدتىك تەكسەرۋ كەزىندە ۋچاسكەلىك پوليتسەيلەر مەن موبيلدىك توپ تولەبي اۋدانى العاباس اۋىلىنىڭ ماڭايىندا كوكپار ويىنى ءوتىپ جاتقانىن انىقتادى.اتالعان كوكپارعا 200-دەن اسا ادام جينالعانى بەلگىلى بولدى. ءتارتىپ ساقشىلارى بەلگىلەنگەن تالاپتى ساقتاماي, كوكپارعا قاتىسۋشى تۇرعىندارعا تۇسىندىرمە جۇمىستارىن جۇرگىزىپ, جينالعان قاۋىمدى تارقاتتى.
سونداي-اق ادامداردىڭ كوپتەپ شوعىرلانۋىنا جول بەرىپ, كوكپاردى ۇيىمداستىرۋشى ازاماتقا قر اقبتك-ءنىڭ 425-بابى (حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى زاڭناما تالاپتارىن, سونداي-اق گيگيەنالىق نورماتيۆتەردi بۇزۋ) بويىنشا اكىمشىلىك حاتتاما تولتىردى. جيناقتالعان اقپاراتتار شەشىم قابىلداۋ ءۇشىن ءتيىستى ورگانعا جولدانىپ, وعان 30 اەك كولەمىندە ايىپپۇل سالىندى.