قاراشا ايىنىڭ باسىندا الماتى قالاسىندا ساتباەۆ ۋنيۆەرسيتەتى مەن قازاقستان رەسپۋبليكاسىنداعى Schlumberger كومپانياسى باسشىلىعىنىڭ كەزدەسۋى ءوتتى, دەپ حابارلايدى Egemen.kz
كەزدەسۋ بارىسىندا ساتباەۆ ۋنيۆەرسيتەتىنىڭ رەكتورى يسكاندەر بەيسەمبەتوۆ پەن Schlumberger كومپانياسىنىڭ قازاقستان رەسپۋبليكاسىنداعى ايماقتىق ديرەكتورى روب فوكس جەتەكشى تەحنيكالىق كومپانيالار اراسىنداعى ىنتىماقتاستىقتىڭ, اسىرەسە, قازاقستان رەسپۋبليكاسىنداعى تەحنيكالىق ۋنيۆەرسيتەت پەن مۇناي ءوندىرۋ سالاسىنداعى جەتەكشى حالىقارالىق كومپانيا اراسىنداعى ىنتىماقتاستىق قارىم-قاتىناستىڭ ماڭىزدىلىعىن اتاپ ءوتىپ, مۇناي-گاز جانە تاۋ-كەن كومپانيالارى ءۇشىن عىلىمي-زەرتتەۋ جانە تاجىريبەلىك-كونسترۋكتورلىق جۇمىستار (عزتكج) سالاسىنداعى ىنتىماقتاستىقتى كەڭەيتۋ نيەتى تۋرالى كەلىسىمگە قول قويدى.
قازىرگى ۋاقىتتا ساتباەۆ ۋنيۆەرسيتەتى مەن قازاقستان رەسپۋبليكاسىنداعى Schlumberger كومپانياسى قاراعاندى كومىر باسسەينىندە مەتان بارلاۋ جانە ءوندىرۋ سالاسىنداعى عىلىمي جوبالاردى بىرلەسىپ جۇزەگە اسىرۋدا تابىستى تۇردە ىنتىماقتاستىق قارىم-قاتىناس جاساپ كەلەدى. وسى جوبا اياسىندا كومپانيا ۋنيۆەرسيتەتكە مامانداندىرىلعان Petrel*, ECLIPSE*, Techlog* باعدارلامالىق ازىرلەمەلەردى پايدالانۋ قۇقىعىن بەردى: بۇل گەولوگيا جانە كەن ورىندارىن يگەرۋ سالاسىنداعى ماماندار ءۇشىن مۇناي-گاز كەن ورىندارىن جوبالاۋ جانە وڭتايلاندىرۋ پروتسەسىن جەڭىلدەتەدى.
ەكى جەتەكشى كومپانيانىڭ ءوزارا ىنتىماقتاستىعى مۇناي-گاز گەولوگياسى مەن گەوفيزيكاسى سالاسىنداعى يننوۆاتسيالىق يدەيالاردى ىسكە اسىرۋعا جانە عزتكج-نى جاڭا دەڭگەيگە كوتەرۋگە مۇمكىندىك بەرەدى.