قازاقستان پرەزيدەنتى قاسىم-جومارت توقاەۆ 10 قاراشا كۇنى ۆيدەوكونفەرەنتسيا فورماتىندا وتەتىن شانحاي ىنتىماقتاستىق ۇيىمىنا مۇشە مەملەكەتتەر باسشىلارى كەڭەسىنىڭ وتىرىسىنا قاتىسادى.
بۇل تۋرالى بۇگىن ءوزىنىڭ Facebook پاراقشاسىندا قر پرەزيدەنتىنىڭ ءباسپاسوز حاتشىسى بەرىك ءۋالي جازدى.
كەڭەس رەسەي فەدەراتسياسىنىڭ توراعالىعىمەن وتەدى. ءسامميتتىڭ كۇن تارتىبىندە كوروناۆيرۋس پاندەمياسىنىڭ الەمنىڭ ساياسي جانە الەۋمەتتىك-ەكونوميكالىق دامۋىنا تيگىزگەن كەرى اسەرى كەزىندە ۇيىم اياسىنداعى ىنتىماقتاستىقتى ودان ءارى نىعايتۋدىڭ باسىم باعىتتارى قاراستىرىلادى دەپ جوسپارلانىپ وتىر. شىۇ ەلدەرىنىڭ باسشىلارى حالىقارالىق جانە ايماقتىق دەڭگەيدەگى وزەكتى ماسەلەلەر بويىنشا پىكىر الماسادى.
«سونىمەن قاتار جيىندا بۇۇ باس حاتشىسى انتونيۋ گۋتەررەش بەينە ۇندەۋ جاسايدى. كەزدەسۋ قورىتىندىسى بويىنشا ماسكەۋ دەكلاراتسياسى جانە باسقا دا بىرقاتار قۇجات قابىلدانادى دەپ جوسپارلانعان», دەلىنگەن حابارلامادا.