ماسكالار COVID-19-دىڭ تارالۋ قاۋپىن تومەندەتەتىنى عىلىمي دالەلدەنگەن, دەپ حابارلايدى Egemen.kz
"زەرتتەۋلەر ماسكا جۇقتىرۋ جانە ۆيرۋستىڭ باسقالارعا تارالۋ قاۋپىن تومەندەتەتىنىن كورسەتەدى. سونىمەن بىرگە قورعانىس قۇرالدارىنىڭ COVID-19 تاسىمالداۋشىسىندا دا, ساۋ ادامدا بولۋى دا ماڭىزدى. ايتپەسە, تاۋەكەل ينديكاتورى جوعارىلايدى", دەيدى №10 قالالىق ەمحانانىڭ جالپى تاجىريبەلىك دارىگەرى دانيار قادىروۆ.
دارىگەرلەر مۇنى دۇرىس جاساۋ ماڭىزدى ەكەنىن اتاپ ءوتتى. ماسكانى ۇيدەن شىعار الدىندا تاعۋ كەرەك. ەڭ دۇرىسى, ول ءسىزدىڭ بەتىڭىزگە تىعىز ورنالاسىپ, يەگىڭىزدى جاۋىپ تۇرۋى كەرەك. ماسكانى مۇرىننىڭ استىنا تۇسىرمەۋ ماڭىزدى.
يممۋنيتەتتى ساقتاۋ ءۇشىن دەنە بەلسەندىلىگى, دۇرىس تاماقتانۋ جانە دۇرىس ادەتتەر قاجەت. سونداي-اق, ۆيرۋستىق ينفەكتسيالاردىڭ الدىن الۋ ءۇشىن تۇرعىندار جەكە گيگيەنانى ساقتاپ, قولدى ءجيى جۋىپ, انتيسەپتيك قولدانعان ءجون.
"يممۋندىق جۇيەنى نىعايتۋ ءۇشىن A, B, C, D, E دارۋمەندەرى قاجەت. دۇرىس تاماقتانۋ دا ماڭىزدى. كۇزدە راتسيونعا كوكونىستەر, جەمىستەر, ەت, ءسۇت, جاڭعاق, جارما قوسۋ ۇسىنىلادى. تاماقتىڭ ءار ءتۇرلى بولعانى ماڭىزدى, بۇل جاعدايدا بارلىق ميكروەلەمەنتتەر دەنەگە قاجەتتى مولشەردە تۇسەدى", دەيدى №10 قالالىق ەمحانانىڭ جالپى تاجىريبە ءبولىمىنىڭ دارىگەرى گۇلناز بەكەنوۆا.
سونداي-اق دارىگەرلەر تۇماۋعا جانە پنەۆموكوكك ينفەكتسياسىنا قارسى ۆاكتسينا ەگۋ كەرەگىن ايتادى. سونىمەن قاتار انتيبيوتيكتەردى دارىگەردىڭ رەتسەپتىسىز قابىلداماۋعا, ءوزىن ءوزى ەمدەمەۋگە كەڭەس بەرەدى.