قازاقستاننىڭ سۋديالار كورپۋسىنداعى ايەلدەردىڭ ۇلەسى قانشا

"قازىرگى ستاتيستيكاعا توقتالساق, سۋديا قوعامداستىعى اراسىندا گەندەرلىك قۇرامداس بويىنشا قازاقستاندا سۋديالاردىڭ 51 پايىزىن نازىك جاندار قامتىپ تۇر", دەدى ب. رايسوۆا ونلاين رەجيمدەگى ءباسپاسوز ءماسليحاتىندا.

ونىڭ ايتۋىنشا, سۋديالاردى ىرىكتەۋ كەزىندە كوميسسيا ءبىرىنشى كەزەكتە كاسىبي داعدى مەن بىلىكتىلىكتى نازارعا الادى. بۇدان بۇرىن حابارلانعانداي, جوعارى سوت كەڭەسى بىرقاتار سۋديا لاۋازىمدارىنا كونكۋرستىق ىرىكتەۋدى اياقتادى.

اتاپ ايتقاندا, جوعارعى سوتتىڭ 2 سۋدياسى, اۋداندىق سوتتىڭ 1 توراعاسى, وبلىستىق سوتتىڭ 1 سۋدياسى, اۋداندىق سوتتاردىڭ 40 سۋدياسى لاۋازىمدارىنا جاريالانعان كونكۋرس قورىتىندىلاندى.

قۇجات تاپسىرعاندار سانىنا توقتالساق, جوعارعى سوت سۋدياسى لاۋازىمىنا 17 ادام, اۋداندىق سوتتاردىڭ سۋدياسى لاۋازىمىنا 274 ادام, الماتى قالالىق سوتىنىڭ سۋدياسى لاۋازىمىنا 49 ادام قاتىستى. جالپى, كونكۋرستا 342 ادام قامتىلدى.