ۇلتتىق بانك توراعاسىنىڭ ورىنباسارى ءاليا مولدابەكوۆا التىن ۆاليۋتا اكتيۆتەرى جايىندا ايتىپ بەردى, دەپ حابارلايدى Egemen.kz
قازاندا التىننىڭ باعاسى تومەندەۋ تراەكتورياسىن جالعاستىردى جانە ءبىر ايدا ءبىر ۋنتسيا ءۇشىن 1883,4 دوللاردان 1875,8 دوللارعا نەمەسە 0,4%-عا تومەندەدى. باعالى مەتالدار نارىعىنداعى نەگىزگى انىقتاۋشى فاكتور اقش-تاعى سايلاۋعا قاتىستى بەلگىسىزدىك بولدى.
"التىن باعاسىنىڭ تومەندەۋى ءىس جۇزىندە قر ۇلتتىق بانكىنىڭ التىن پورتفەلىنە اسەر ەتپەگەنىن ايتا كەتكەن ءجون, ويتكەنى ول باسىم قۇقىقتى ىسكە اسىرۋ شەڭبەرىندە وتاندىق التىندى ساتىپ الۋمەن رەتتەلگەن بولاتىن. قازاننىڭ سوڭىندا ۇلتتىق بانكتىڭ التىن پورتفەلى 23,2 ملرد دوللاردى قۇرادى.دەگەنمەن, الدىن الا دەرەكتەر بويىنشا التىنۆاليۋتا اكتيۆتەرى ءبىر ايدا 200 ملن دوللارعا قىسقارىپ, قازاننىڭ سوڭىندا 33,6 ملرد دوللاردى قۇرادى", دەپ اتاپ ۇلتتىق بانك توراعاسىنىڭ ورىنباسارى.
ءاليا مولدابەكوۆانىڭ ايتۋىنشا, التىنۆاليۋتا اكتيۆىنىڭ تومەندەۋى نەگىزىنەن شامامەن 90 ملن دوللار كولەمىندە مەملەكەتتىك بورىشتى تولەۋگە جانە 91,3 ملن دوللار كولەمىندە ۆاليۋتالىق ينتەرۆەنتسيا جۇرگىزۋگە بايلانىستى بولدى.