قازاقستان جول عىلىمي-زەرتتەۋ ينستيتۋتىنىڭ عالىمدارى ءوزىنىڭ عىلىمي قىزمەتىن جالعاستىرۋدا. ولار وسىدان ءتورت جىل بۇرىن الەمدىك جول سالاسىندا تومەنگى تەمپەراتۋرالى جارىقشاقتانۋ كەزىندە اسفالتبەتوندى جول توسەمىنىڭ ءوزىن-ءوزى قۇرۋ زاڭدىلىعى جايلى جاڭالىقتى العاش اشقانىن ايتىپ وتكەن ءجون, دەپ جازادى Egemen.kz
قازىر ينستيتۋتتىڭ ارسەنالىندا 3 عىلىمي جاڭالىق بار: "تومەنگى تەمپەراتۋرالى جارىقشاقتانۋ كەزىندە اسفالتبەتوندى جول توسەمىنىڭ ءوزىن-ءوزى قۇرۋ زاڭدىلىعى" جانە "اسفالتبەتون جامىلعىسىنىڭ ساتىلىق توزىپ بۇزىلۋ زاڭدىلىعى (تەلتاەۆ قاعيداسى) جانە بىلتىر جاريالانعان "نانوقۇرىلىمدى بيتۋمنىڭ پايدا بولۋ قۇبىلىسى"
سوڭعى 5 جىلدا قازجولعزي قىزمەتكەرلەرى حالىقارالىق عىلىمي جۋرنالداردا 136 ماقالا مەن مونوگرافيا جاريالاعان. 84 جۇمىس Scopus مالىمەتتەر بازاسىندا بولسا, 52-ءسى Web of Science حالىقارالىق بازاسىندا ساقتاۋلى. بۇگىنگى كۇنگە دەيىن اتالمىش ماقالالار دايەككوز رەتىندە 679 رەت پايدالانىلىپتى.
عىلىمي زەرتتەۋ جۇمىستارىن قازجولعزي پراكتيكالىق ىسكە اسىرىپ, پاتەنتتەگەن. وسىلايشا 2015 جىلدان باستاپ ينستيتۋت 16 ونەرتابىس پاتەنتىن الىپتى. ونىڭ 4 – حالىقارالىق.