رەسەي پرەزيدەنتى ۆلاديمير پۋتين مەكتەپ باعدارلاماسىنداعى ورىس ءتىلى مەن ادەبيەتى پاندەرىنىڭ ساعاتتارىن كوبەيتۋگە تاپسىرما بەردى. بۇل تۋرالى يتار-تاسس حابارلادى.
«بۇگىنگى تاڭدا ورىس ءتىلى مەن ادەبيەتى پانىنە بولىنگەن ساعاتتار سانى از بولىپ وتىر. بۇل ولاردىڭ ماڭىزىنىڭ ەسكەرىلمەۋى», – دەدى ۆلاديمير پۋتين رەسەي ادەبيەتىنە ارنالعان جينالىستا. پۋتين سونداي-اق جاستاردىڭ اراسىندا ورىس ءتىلىن يگەرۋ دەڭگەيى مەن ادەبيەتكە دەگەن قىزىعۋشىلىقتىڭ تومەندەپ بارا جاتقانىن ەسكەردى. «ءبىزدىڭ ەل ءبىر كەزدەرى الەمدەگى ەڭ كوپ وقيتىنداردىڭ ەلى سانالاتىن. ال قازىر ول اتاقتان دامەتە دە المايمىز», – دەدى ول.
رەسەي پرەزيدەنتى ورىس ءتىلى مەن ادەبيەت پاندەرىنىڭ ساعاتتارىن كوبەيتۋمەن ماسەلە شەشىلە قويمايتىنىن العا تارتتى. ول بۇل ماسەلەدە مۇعالىمنىڭ بىلىكتىلىگى, ونىڭ وقۋشىلارعا باي ءتىلىمىزدى دارىپتەي ءبىلۋى ۇلكەن ءرول اتقاراتىنىن ايتتى.
ۆلاديمير پۋتين ادەبيەت سالاسىنداعى ماڭىزدى ماسەلەلەردى بىرلەسە وتىرىپ شەشۋگە ۇسىنىس ءبىلدىردى. «بىزگە جازۋشىلاردىڭ شىعارماشىلىعى مەن ءداستۇرلى ادەبي سىننىڭ, كىتاپحانالار مەن ادەبي مۇراجايلاردىڭ, سونداي-اق جازۋشىلاردىڭ مەموريالدىق ۇيلەرىنىڭ جاندانۋىنا جاعداي جاساۋ كەرەك», – دەدى ول.
ايدار ورىسباەۆ.
دەرەككوز: Itar-tass.com