ەلىمىزدىڭ ءتورت وبلىسىندا جاڭا شەكتەۋلەر كۇشىنە ەندى

اقمولا, قوستاناي, پاۆلودار جانە سولتۇستىك قازاقستان وبلىسىندا كارانتين شارالارى كۇشەيتىلدى.

اقمولا وبلىسىندا: كوكشەتاۋدا بلوكبەكەتتەر ورناتىلدى; كۇن سايىنعى ءوسىم 10 جاعدايدان اسقان ەلدى مەكەندەردە سانيتارلىق بلوكبەكەتتەر ورناتىلدى; كوكشەتاۋ - الماتى جانە كوكشەتاۋ - اقتاۋ باعىتىنداعى اۋە قاتىناسى اپتاسىنا ەكى رەتتەن ءبىر رەتكە قىسقاردى; كوكشەتاۋ - قىزىلوردا باعىتى بويىنشا تەمىرجول تاسىمالى اپتاسىنا جەتى رەتتەن ۇشكە دەيىن قىسقاردى; وبلىس ىشىندە ترانزيت جولاۋشىلار تەمىرجول قۇرامىن توقتاتۋ تىيىم سالىندى; ءدىني نىسانداردىڭ, تەاترلاردىڭ, كينوتەاترلاردىڭ جانە مادەنيەت نىساندارىنىڭ جۇمىسى توقتاتىلدى; جۇمىس كۇندەرى ساعات 8.00-دەن 21.00-گە دەيىن قوعامدىق تاماقتانۋ ورىندارىنىڭ جۇمىسى ءبىر ۋاقىتتا 30 ادامنان ارتىق كەلۋشى جينالماي, 30 ادامنان ارتىق ورنى بار نىساندار ءۇشىن - جۇمىس ۋاقىتى شەكتەلىپ, كەلۋشىلەر سانى 50 پايىزدان اسپايتىنداي ەتىپ شەكتەلدى جانە تاعى باسقا تالاپتار.

قوستاناي وبلىسىندا:

قوستانايدا قالانىڭ پەريمەترى بويىنشا بلوكبەكەتتەر ورناتا وتىرىپ, قر مەملەكەتتىك شەكاراسى ارقىلى اۆتووتپە جولدار اۋدانىندا كارانتين ەنگىزىلسىن;

كۆي-دىڭ كۇن سايىنعى ءوسىمى 10-نان اساتىن ەلدى مەكەندەردە سانيتاريالىق بلوكبەكەتتەر ورناتۋ;

جۇك كولىگى مەن جولاۋشىلارعا قوستاناي وبلىسىنا پتر انىقتاماسىز كىرۋىنە تىيىم سالىنسىن, بولماعان جاعدايدا ادامدار تەكسەرىلۋ ءۇشىن 2 كۇنگە كارانتيندىك گوسپيتالعا جاتقىزىلادى;

اۋە جولاۋشىلارىندا ناتيجەسى تەرىس پتر انىقتاماسى مىندەتتى تۇردە بولۋى كەرەك (مەرزىمى بەرىلگەن ساتتەن باستاپ 3 تاۋلىكتەن ارتىق ەمەس);

قوستاناي وبلىسى ەلدى مەكەندەرىنىڭ اۋماعى بويىنشا تۇرعىنداردىڭ قوزعالىسى 21:00-دەن 06:00-گە دەيىن شەكتەلسىن;

قوعامدىق كولىكتىڭ جۇمىسىنا 06.00-دەن 20.00-گە دەيىن تولىمدىلىعى وتىراتىن ورىندار سانى بويىنشا عانا رۇقسات بەرۋ.

دەمالىس جانە مەرەكە كۇندەرى قوعامدىق كولىكتىڭ جۇمىسىن توقتاتا تۇرۋ;

ءۇي-جايلارداعى قوعامدىق تاماقتاندىرۋ وبەكتىلەرىنىڭ قىزمەتىنە رۇقسات بەرىلەدى, الايدا عيماراتتا كەلۋشىلەر سانى ءبىر مەزگىلدە 30 ادامنان اسپاۋى ءتيىس, جۇمىس كۇندەرى جۇمىس رەجيمىن 08.00-دەن 21.00-گە دەيىن شەكتەي وتىرىپ, سالتاناتتى, وتباسىلىق, ەستەلىك, ۇجىمدىق ءىس-شارالار جانە ت.ب. وتكىزبەۋ, 21.00-دەن كەيىن تەك الىپ كەتۋ جانە جەتكىزۋ جۇمىس ىستەيدى. جەكسەنبى, مەرەكە كۇندەرى جانە 21.00-دەن كەيىن الىپ كەتۋ جانە جەتكىزۋ ارقىلى عانا جۇمىس ىستەۋ;

تاكسي قىزمەتىن 21:00-دەن 06.00-گە دەيىن شەكتەۋ, جولاۋشىلار سانى 2 ادامنان اسپاۋى كەرەك;مەملەكەتتىك ورگاندار, كۆازيمەملەكەتتىك سەكتور قىزمەتكەرلەرىنىڭ 80 پايىزىن قاشىقتان جۇمىس رەجيمگە كوشىرۋ;

تەاترلاردىڭ, كينوتەاترلاردىڭ قىزمەتىن توقتاتا تۇرۋ. ساۋدا ۇيلەرى, ساۋدا ورتالىقتارى, ازىق-ت ۇلىك ەمەس دۇكەندەر ءۇشىن جۇمىس رەجيمىن 10:00-دەن 20:00-گە دەيىن شەكتەۋ.

پاۆلودار وبلىسىندا:

پاۆلوداردا بلوكبەكەتتەر ورناتىلدى; كۇندەلىكتى كۆي جاعدايى 10-نان اساتىن ەلدى مەكەندەردە سانيتارلىق بلوكبەكەتتەر ورناتىلدى; پاۆلودار - الماتى ( اپتاسىنا 10 رەيستەن 5-كە دەيىن), پاۆلودار - نۇر-سۇلتان (ۇشتەن بىرگە) جانە پاۆلودار - شىمكەن (ەكىدەن بىرگە دەيىن) اۋە رەيستەرى قىسقارتىلدى;

تولىعىراق پاۆلودار وبلىسىنىڭ باس مەملەكەتتىك سانيتاريالىق دارىگەرىنىڭ قاۋلىسىنان تانىسۋعا بولادى.

سولتۇستىك قازاقستان وبلىسى:

سقو پەريمەترى بويىنشا بلوكبەكەتتەر ورناتىلدى; كۇندەلىكتى كۆي جاعدايى 10-نان اساتىن ەلدى مەكەندەردە سانيتارلىق بلوكبەكەتتەر ورناتىلدى; پەتروپاۆل - الماتى باعىتىنداعى تەمىرجول تاسىمالى اپتاسىنا جەتى رەتتەن ءۇش رەتكە قىسقارتىلدى; وبلىس ىشىندە تەمىرجول قۇرامدارىن توقتاتۋعا تىيىم سالىندى; سولتۇستىك قازاقستان وبلىسىنان اۋە نەمەسە تەمىرجول كولىگى ارقىلى شىعاتىن جولاۋشىلاردىڭ پتر-تەستى تەرىس ناتيجەمەن بولۋى كەرەك. انىقتاما العان كۇننەن باستاپ 3 تاۋلىككە جارامدى. 5 جاسقا دەيىنگى بالالارعا بۇل تالاپ قويىلمايدى جانە تاعى باسقا تالاپتار.