6 قاراشادا قاراسۋ اۋىلىندا بولعان جول-كولىك وقيعاسىنىڭ سالدارىنان پوليتسيا تەرگەۋشىسى قازا تاپتى. «لادا-گرانتا» كولىگىن ءمىنىپ كەلە جاتقان 33 جاستاعى جۇرگىزۋشى جاياۋ جۇرگىنشى جولاعىنان ءوتىپ كەلە جاتقان پوليتسيا قىزمەتكەرىن قاعىپ كەتكەن. اۋىر جاراقات العان پوليتسيا كاپيتانى سۆەتلانا يساەۆا اۋرۋحاناعا جەتكىزىلىپ, بۇگىن تاڭەرتەڭ كوز جۇمدى.
وبلىستىق پوليتسيا دەپارتامەنتىنىڭ ءباسپاسوز قىزمەتى «قازىر قر قك 345-بابى بويىنشا سوتقا دەيىنگى تەرگەۋ باستالدى. قازىر تەرگەۋشىنىڭ ۇستىندە قىزمەتتىك كيىم بولعانى جانە جۇمىستان شىعىپ, ۇيىنە كەلە جاتقانى انىقتالدى. پوليتسيا باسشىلىعى مەن جەكە قۇرامى مارقۇمنىڭ وتباسىنىڭ قايعىسىنا ورتاقتاسىپ, كوڭىل ايتادى», - دەپ مالىمدەدى.
33 جاستاعى سۆەتلانا يساەۆا پوليتسيا ساپىندا 6 جىل قىزمەت اتقارعان.
قوستاناي وبلىسى