"ازاماتتارعا ارنالعان ۇكىمەت» مەملەكەتتىك كورپوراتسياسى "جىلجىمايتىن م ۇلىككە قۇقىقتاردى مەملەكەتتىك تىركەۋ تۋرالى" زاڭىنىڭ 6-بابىنا سايكەس, مەملەكەتتىك ورگانداردىڭ شەشىمىمەن جىلجىمايتىن م ۇلىكتىڭ سايكەستەندىرۋ سيپاتتامالارى وزگەرگەن جاعدايدا, وزگەرىستەردى تىركەۋ قۇقىق يەسىنە جۇكتەلمەيتىنىن ەسكە سالادى, دەپ حابارلايدى Egemen.kz
مۇنداي وزگەرىستەرگە, اتاپ ايتقاندا, ەلدى مەكەندەردىڭ اتاۋلارى, كوشە اتاۋلارى, سونداي-اق عيماراتتاردىڭ جانە باسقا قۇرىلىس نىساندارىنىڭ (مەكەنجايلاردىڭ) رەتتىك ءنومىرىنىڭ وزگەرۋى نەمەسە قر اكىمشىلىك-اۋماقتىق قۇرىلىم رەفورماسىنا بايلانىستى كاداسترلىق نومىرلەردىڭ اۋىسۋى جاتادى.
جىلجىمايتىن م ۇلىكتىڭ سايكەستەندىرۋ سيپاتتاماسى بويىنشا مەملەكەتتىك ورگانداردىڭ شەشىمىمەن ەنگەن وزگەرىستەردى مەملەكەتتىك تىركەۋ مەملەكەتتىك اقپارات جۇيەلەرىن ءوزارا ىقپالداستىرۋ اياسىندا جۇزەگە اسادى.
ەندى جىلجىمايتىن م ۇلىك وبەكتىسىنىڭ مەكەنجايى وزگەرگەن جاعدايدا, تىركەلگەن قۇقىقتار مەن جىلجىمايتىن م ۇلىك وبەكتىسىنىڭ تەحنيكالىق سيپاتتامالارى تۋرالى انىقتامادا مەكەنجايدىڭ تاريحي دەرەكتەرى قوسا كورسەتىلەدى (جاڭا مەكەنجايمەن بىرگە ەسكى مەكەنجاي اتاۋى دا جازىلادى). سونىمەن قاتار قۇقىق بەلگىلەۋشى قۇجاتتاردا الدىڭعى مالىمەتتەر ساقتالادى, بۇل رەتتە جىلجىمايتىن م ۇلىك وبەكتىلەرىنىڭ مەكەنجايىن ناقتىلاۋ قاجەت ەمەس.