كەمبريدج ۋنيۆەرسيتەتىنىڭ باسپاسى مەن قازاقستاننىڭ ۇلتتىق اۋدارما بيۋروسى ۇلى قازاق اقىن, فيلوسوف جانە اعارتۋشى اباي قۇنانباي ۇلى شىعارمالارىنىڭ اعىلشىن تىلىندەگى العاشقى تولىق جيناعىن – «ABAI» كىتابىن ۇسىنادى.
كىتاپ ابايدىڭ 175 جىلدىعىنا وراي جارىق كورەدى. XIX عاسىرداعى قازاق زيالىلارىنىڭ جارقىن وكىلى, اباي قازاق جازبا ادەبيەتىنىڭ نەگىزىن قالاۋشىسى. ول سونداي-اق مادەني رەفورماتور, ورىس جانە ەۋروپا كلاسسيكاسىن اۋدارۋ ارقىلى قازاق, ورىس جانە ەۋروپالىق مادەنيەت اراسىنداعى كوپىر بولعان.
بۇل ابايدىڭ وسىعان دەيىن جارىق كورگەن اۋدارمالارىمەن سالىستىرعاندا بارىنشا تولىق جانە قازاق تىلىنەن اعىلشىن تىلىنە تۇڭعىش رەت تىكەلەي تارجىمالانعانى سەبەپتى, ۇلى اقىننىڭ ءۇنىن الەم حالىقتارىنا جەتكىزۋدەگى سالماقتى باسىلىم.
كىتاپتى اۋدارعاندار: قازاق-اعىلشىن اۋدارماشىلارىنىڭ جاڭا بۋىنى, بريتاندىق بەدەلدى اقىندار دجون بەرنسايد پەن شون و’برايەن.
كىتاپ ۇلتتىق اۋدارما بيۋروسىنىڭ اباي شىعارمالارىن الەمنىڭ ون تىلىندە باسىپ شىعارۋ جونىندەگى اۋقىمدى جوباسىنىڭ ءبىر بولىگى.