شەكتەۋ شارالارى قاتايادى

65 جاستان اسقان ەگدە كىسىلەر ازىق-ت ۇلىك دۇكەنىنە, دارىحاناعا, ەمدەۋ مەكەمەلەرىنە بارۋ قاجەت بولعاندا نەمەسە قوقىس شىعارۋعا تۋرا كەلگەن جاعدايدا عانا كوشەگە شىعا الادى. ايماقتىڭ باس سانيتارلىق دارىگەرى ۆ.نەچيتايلو قول قويعان قاۋلىعا سايكەس, تالاپ ساقتالماعان جاعدايدا ءتار­تىپ بۇزعان قارتتارعا 30 اەك مول­شە­­رىندە ايىپپۇل سالىنادى.

سونىمەن قاتار قوعامدىق مونشالار مەن ساۋنالار ءبىر ادامدى كەم دەگەندە 4 شارشى مەترلىك ورىنمەن قامتاماسىز ەتۋى كەرەك. بۇل نىساندار جۇمىس كۇندەرى جۋىنۋشىلاردى مىندەتتى تۇردە جازباشا تۇردە الدىن الا تىركەۋگە قويۋ ارقىلى تاڭعى 8.00-دەن 21.00-گە دەيىن عانا جۇمىس ىستەيدى. وندا دا جۋىنۋ بولمەسىندە مونشاعا سىياتىن ادامنىڭ 30%-ى عانا بولۋى تالاپ ەتىلەدى.

سپورت كەشەندەرى, سپورت مەكتەپ­تەرى, سپورت كلۋبتارى, جاتتىعۋ زالدارى, فيتنەس-ورتالىقتار, سپورتتىق-ساۋىقتىرۋ ورتالىقتارى سياقتى جابىق سپورت نىساندارى ساعات 7.00-دەن 22.00-گە دەيىن جۇمىس ىستەيدى. جاتتىعۋلارعا قاتىسۋشىلاردىڭ سانى 5 ادامنان اسپاۋى قاجەت.

ۇجىم نەمەسە توپ بولىپ تابيعات اياسىنا شىعۋعا, كورنەكى ورىنداردى ارالاۋعا شەكتەۋ قويىلدى. مۇنداي ەكسكۋرسيالارعا تەك قۇرامىندا ءارى كەتكەندە 3-4 ادامى بار وتباسىلىق توپتارعا عانا رۇقسات ەتىلەدى.

سونداي-اق بالالار مەن ەرەسەكتەرگە ەلەكتروموبيل, پەدالدى اۆتوموبيل, كارتينگ, گيدروسكۋتەر سياقتى قوزعالىس قۇرالدارىن جالعا بەرۋ ورىندارىنىڭ جۇمىسىنا دا تىيىم سالىندى.

ازىق-ت ۇلىك جانە باسقا دا تاۋارلار ساتاتىن اشىق ساۋدا ورتالىقتارى جۇمىس جانە دەمالىس كۇندەرى 10.00-دەن 17.00-گە دەيىن جۇمىس ىستەيدى. ال جا­بىق ساۋدا ورتالىقتارىنا دەمالىس كۇندەرى جۇمىس ىستەۋگە شەكتەۋ قويىلدى.

ءدىني مەكەمەلەر دەمالىس كۇندەرى جۇمىسىن توقتاتپايدى. الايدا 1 ادام­عا 5 شارشى مەتر قاراستىرىلىپ, كەلۋ­شىلەر عيماراتقا سىياتىن ادام­دار­دىڭ 30 پايىزىنان اسپاۋى كەرەك.

قوستاناي وبلىسى