بۇل تۋرالى ەكولوگيا, گەولوگيا جانە تابيعي رەسۋرستار مينيسترلىگىنىڭ ءباسپاسوز قىزمەتى حابارلادى.
مەملەكەتتىك قىزمەتتەردى قاعازسىز كورسەتۋگە كوشۋ مەملەكەت باسشىسى قاسىم-جومارت توقاەۆتىڭ حالىققا بيىلعى جولداۋىندا قويعان مىندەتتەرىنىڭ ءبىرى ەدى. وسى رەتتە, قر ەكولوگيا, گەولوگيا جانە تابيعي رەسۋرستار مينيسترلىگىنىڭ بارلىق مەملەكەتتىك قىزمەتتەرى اۆتوماتتاندىرىلعان, ال ولاردىڭ 88%-ى ەندى تەك ەلەكتروندى فورماتتا كورسەتىلەدى.
وسىلايشا, اتالعان قىزمەتتەردى الۋدىڭ قاعاز مۇمكىندىگى الىنىپ تاستالدى. قىزمەتتەردى تەك ەلەكتروندى فورماتتا كورسەتۋ بيۋدجەت قاراجاتىن ايتارلىقتاي ۇنەمدەيدى.
وسى ناتيجەگە قول جەتكىزۋ ءۇشىن مينيسترلىك قىزمەت كورسەتۋشىلەردى مەملەكەتتىك ورگانداردىڭ بىرىڭعاي كولىك ورتاسىنا قوسۋ بويىنشا جۇمىس جاسادى. سونداي-اق, بايلانىس ارنالارىنا مارقاكول مەملەكەتتىك قورىعى سياقتى شالعاي مەكەمە قوسىلدى.
بۇدان باسقا, اككرەديتتەلگەن قاۋىمداستىقتار بايلانىس ارنالارىنا قوسىلعاننان كەيىن, ەندى اڭشى كۋالىگىن بەرۋ بويىنشا سۇرانىسقا يە قىزمەتكە وتىنىمدەردى «ەلەكتروندىق ۇكىمەت» پورتالى ارقىلى ونلاين بەرۋگە بولادى.
ايتا كەتەيىك, قر ەكولوگيا, گەولوگيا جانە تابيعي رەسۋرستار مينيسترلىگىنىڭ مەملەكەتتىك قىزمەتتەردى اۆتوماتتاندىرۋى جانە قاعازسىز قىزمەت كورسەتۋدىڭ 88%-نا قول جەتكىزۋ قر تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات ءمۋسيننىڭ توراعالىعىمەن وتكەن مەملەكەتتىك قىزمەتتەر كورسەتۋ ماسەلەلەرى جونىندەگى ۆەدومستۆوارالىق كوميسسيامەن بىرلەسىپ مينيسترلىكتىڭ بۇرىنعى جاۋاپتى حاتشىسى ءسابيت نۇرلىبايدىڭ كەشەندى جۇمىسىنىڭ ناتيجەسىندە قول جەتكىزىلدى. ەستەرىڭىزگە سالا كەتەيىك, ۆاك قىزمەتى مەملەكەتتىك قىزمەتتەردى اۆتوماتتاندىرۋ جانە حالىقتىڭ ولاردى الۋىن جەڭىلدەتۋ ءۇشىن ءتيىمدى بيزنەس-پروتسەستەردى ازىرلەۋگە باعىتتالعان.