ۇلتتىق انتروپولوگيانىڭ نەگىزىن قالاعان ورازاق سماعۇلوۆتىڭ 90 جاسقا تولۋىنا وراي كونفەرەنتسيا ءوتتى, دەپ حابارلايدى Egemen.kz.
ش.ش.ءۋاليحانوۆ اتىنداعى تاريح جانەەتنولوگيا ينستيتۋتىندا "ورازاق سماعۇلوۆ – قازاقستان انتروپولوگيا عىلىمىنىڭ نەگىزىن قالاۋشى" تاقىرىبىندا وتكەن حالىقارالىق عىلىمي-پراكتيكالىق كونفەرەنتسيا عالىم-انتروپولوگ, تاريح عىلىمدارىنىڭ دوكتورى, پروفەسسور, قر ۇعا اكادەميگى, بولونيا عىلىم اكادەمياسىنىڭ كوررەسپوندەنت مۇشەسى, ش. ءۋاليحانوۆ اتىنداعى سىيلىقتىڭ لاۋرەاتى سماعۇلوۆ ورازاق سماعۇل ۇلىنىڭ 90 جاسقا تولۋىنا ارنالدى.
جيىندى سالتاناتتى جاعدايدا اشقان ش.ش.ءۋاليحانوۆ اتىنداعى تاريح جانە ەتنولوگيا ينستيتۋتى ديرەكتورى ز.قابىلدينوۆ عالىمنىڭ ەڭبەك جولىنا قاتىستى مازمۇندى مالىمەتتەر بەرىپ, قاتىسۋشىلارمەن تانىستىرىپ ءوتتى. كونفەرەنتسيا بارىسىندا ۇلتتىق انتروپولوگيانىڭ اتاسى اتانعان ورازاق سماعۇل ۇلىنىڭ قازاقستان انتروپولوگيا عىلىمى دامۋىنا قوسقان وراسان زور ۇلەسىن سەگىز مەملەكەتتەن قاتىسقان عالىمدار ءوز باياندامالارىنا ارقاۋ ەتتى.
ۇزاق جىلدار بويى ش.ش.ءۋاليحانوۆ اتىنداعى تاريح جانە ەتنولوگيا اكادەميالىق ينستيتۋتىندا جۇمىس ىستەپ, وسى قارا شاڭىراقتا قازاقستانداعى تۇڭعىش ەتنيكالىق انتروپولوگيا زەرتحاناسىن قۇرعان و.سماعۇل ۇلى باستاماشى بولعان وسىندايزەرتحانالار نۇر-سۇلتان قالاسىنداعى ۇلتتىق مۋزەي, م. اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتى جانىندا دا جۇمىس ىستەيدى. عالىم بۇگىندە وسى زەرتحانالاردا عىلىمي-زەرتتەۋلەرىن جالعاستىرىپ كەلەدى. اكادەميك كوپتەگەن ەڭبەكتەرىندە, مونوگرافيالار مەن ماقالالارىندا جيناقتالىپ بەرىلگەن ەتنيكالىق كرانيولوگيا, سەرولوگيا, پالەوانتروپولوگيا, سوماتولوگي, ودونتولوگيا, دەرماتوگليفيكا سالاسىنداعى زەرتتەۋلەرى عىلىمي جانە مادەني قاۋىمداستىق اراسىندا زور سۇرانىسقا يە.
القالى جيىن عالىمنىڭ مەرەيتويىنا ارنالعان قۇتتىقتاۋ حاتتاردى وقۋمەن جالعاسىپ, قر ۇعا اكادەميگى م.قويگەلدى, مەملەكەتتىك تاريح ينستيتۋتى ديرەكتورىنىڭ ورىنباسارى, تاريحى عىلىمدارىنىڭ دوكتورى, پروفەسسور ب.اياعان, قر ۇعا اكادەميگى, فيلولوگيا عىلىمدارىنىڭ دوكتورى, پروفەسسور د.قامزابەك ۇلى, تاريحى عىلىمدارىنىڭ دوكتورى, پروفەسسور ا.توقتاباي, بەلگىلى انتروپولوگ ا.سماعۇلوۆا, ت.ب. انتروپولوگ-عالىم, ۇستاز حاقىنداعى جۇرەكجاردى ەستەلىكتەرىمەن ءبولىسىپ, قۇتتىقتاۋ-لەبىزدەرىن ارنادى.