التىن وردانىڭ 750 جىلدىعى قارساڭىندا " ۇلىتاۋ. ۇلىق ۇلىس" اتتى دەرەكتى ءفيلمى كورەرمەنگە جول تارتتى, دەپ حابارلايدى E-history.kz پورتالى.
تاريحي-تانىمدىق باعىتتاعى ءفيلمدى "قازاقپارات" حاا اق قاراستى "Qazaqstan tarihy" ينتەرنەت-جوباسى تۇسىرگەن. دەرەكتى ءفيلمنىڭ باستى ماقساتى - ۇلىتاۋ وڭىرىندەگى ۇلتىمىزعا مۇرا بولىپ قالعان كيەلى جەرلەردى دارىپتەپ, تۋريستەردىڭ كوپتەپ كەلۋىنە قولداۋ كورسەتۋ. دەرەكتى فيلم 2 بولىمنەن تۇرادى.
اتالعان فيلمدە قاراعاندى وبلىسى ۇلىتاۋ اۋدانىنىڭ كيەلى جەرلەرى مەن ەدىگە ەسىمىن العان تاۋدىڭ توبەسىندە جەرلەنگەن ەدىگە, توقتامىس, ودان بولەك, جوشى حان, الاشا حان جانە وزگە دە تاريحي تۇلعالاردىڭ كەسەنەلەرى, حان ورداسى, اۋليەتاۋ (اقمەشىت) سىندى قاسيەتتى ورىندار كورىنىس تاپقان. سونداي-اق ۇلىتاۋ اۋدانىنىڭ ورتالىعى ۇلىتاۋ اۋىلى دا بەينەلەنگەن.