ەلوردادا قۇرامىندا سىناپ بار شامداردى جيناۋعا كونتەينەرلەر ورناتىلدى

بۇل تاپسىرمانى قر پرەزيدەنتى ق.توقاەۆ ءوزىنىڭ جولداۋىندا قويدى. قازىرگى ۋاقىتتا نۇر-سۇلتاندا بارلىق اۋدانداردا قۇرامىندا سىناپ بار شامداردى, تەرمومەترلەر مەن باتارەيالاردى جيناۋعا ارنالعان 600-دەن استام كونتەينەر ورناتىلدى.

"تۇرعىندار شامداردى سوندا تاستايدى, ءبىزدىڭ كومپانيا كونتەينەرلەردەن جيناپ, زاۋىتقا اكەلىپ, زارارسىزداندىرادى", دەيدى "نتپ Kazecotech" جشس باس ديرەكتورى ۆلاديمير اندرەەۆ.

1 قاراشاداعى جاعداي بويىنشا 500-دەن اسا شام لامپالارى جينالعان. وسىلايشا, 3 ميلليون 908 مىڭ تەكشە مەتر اۋانىڭ ۋلى بۋمەن لاستانۋىنا جول بەرىلمەدى. سونىمەن قاتار كونتەينەرلەرگە قىزمەت كورسەتۋ كەزىندە كومپانيا ۆانداليزم جانە باسقا دا بىرقاتار ماسەلەلەرگە تاپ بولادى.

"كوبىنە كولىكتەر, بۇزاقىلار كونتەينەرلەرگە زيان كەلتىرەدى, بولشەكتەردى – ەسىكتەردى, سورەلەردى, قوراپتاردى جانە باسقالارىن ۇرلايدى. مۇنىڭ ءبارى ادامدار اراسىندا تۇسىنبەۋشىلىك تۋعىزادى. وسىعان بايلانىستى اكىمدىك حابارلاندىرۋلار, ونىڭ ىشىندە +7 708 425 15 88 جانە 8 (7172) 25 15 88 تەلەفون نومىرلەرى جازىلعان بەلگىلەر ورناتۋدا", دەپ ءتۇسىندىردى ۆلاديمير اندرەەۆ.

قوڭىراۋ تۇسكەن جاعدايدا كەلۋ جانە كەمشىلىكتەردى جويۋ ەكى ساعات ىشىندە جۇزەگە اسىرىلادى. كومپانيا قىزمەتكەرلەرى سونىمەن قاتار مەنشىككە جاۋاپكەرشىلىكپەن قاراۋدى تالاپ ەتەدى, ويتكەنى بۇل, باسقالارمەن قاتار, بارلىق ازاماتتاردىڭ ءومىر ءسۇرۋ ساپاسىنا اسەر ەتەدى.