تايلاندقا ۇزاق مەرزىمدى ۆيزا باعدارلاماسى بويىنشا كەلگەن شەتەلدىك تۋريستەر ەلەكتروندى براسلەت تاعۋعا مىندەتتەلەدى. ونىڭ كومەگىمەن بيلىك ولاردىڭ ورنالاسقان جەرىن قاداعالاپ, دەنساۋلىعى تۋرالى مالىمەت الادى, دەپ حابارلايدى Egemen.kz
براسلەت قان قىسىمىن, ءيمپۋلستى جانە دەنە قىزۋىن ولشەيدى. ەگەر ول 37,5 گرادۋستان اسسا, قۇرىلعى دەرەۋ تاي دارىگەرلەرىنە حابارلايدى. سونداي-اق براسلەت تۋريست ءۇشىن كومەكشى بولادى. اداسىپ قالعان جاعدايدا دۇرىس باعىتتى كورسەتەدى جانە كارانتيننەن وتۋگە بايلانىستى ماسەلەلەردى شەشۋگە كومەكتەسەدى.
جوبانى تايلاندتىڭ تسيفرلى ەكونوميكا جانە قوعام مينيسترلىگى بىرقاتار ستارتاپپەن بىرلەسىپ, جۇزەگە اسىرىپ جاتىر ەكەن. تۋريستەرگە ارنالعان براسلەتتەردى ەنگىزۋ – العاش رەت قىركۇيەكتە, ۇزاق مەرزىمدى ۆيزاعا ۇمىتكەرلەرگە قويىلاتىن تالاپتار بەلگىلى بولعان كەزدە پايدا بولعان.
بۇل قۇجاتتى راسىمدەۋدىڭ جالپى قۇنى, شامامەن 400 دوللار. ەلگە كەم دەگەندە 90 كۇن بويى كىرە الاسىز, ونىڭ العاشقى ەكى اپتاسىن كارانتيندە وتكىزەسىز. كوروناۆيرۋستىڭ تارالۋى تۇرعىسىنان "قاۋىپسىز" مەملەكەتتەردىڭ ازاماتتارى عانا ءوتىنىش بەرە الادى.