وسى جىلدىڭ جازىندا كولىكتەگى پوليتسيا دەپارتامەنتىنە قازاقستاندىق كاسىپورىنداردىڭ ءبىرىنىڭ وكىلىنەن جىلجىمالى قۇرامنان 32 000 كيلوگرامنان استام ء"اليۋمينيدىڭ" ۇرلانعاندىعى تۋرالى ءوتىنىش كەلىپ ءتۇستى, دەپ حاباردايدى Egemen.kz
وڭال بەكەەۆتىڭ ايتۋىنشا, اعىمداعى جىلدىڭ 26 قازانىندا كولىك پوليتسەيلەرى جەدەل-ىزدەستىرۋ ءىس-شارالارىن جۇرگىزۋ بارىسىندا ءىرى كولەمدە ۇرلىق جاساعاندارى ءۇشىن پاۆلودار قالاسىنىڭ بەس تۇرعىنىن انىقتاپ, ۇستادى. كۇدىكتىلەردىڭ تورتەۋى تەمىر جول كۇزەتىنىڭ قىزمەتكەرلەرى, ال ولاردىڭ بەسىنشىسى جۇك ساتىپ الۋشى بولىپ شىقتى.
"كەلتىرىلگەن شىعىن سوماسى 40 ميلليون تەڭگەدەن استى. ۇستالعاندار وسى قىلمىسقا قاتىسى بار ەكەندىكتەرىن مويىندادى. كۇدىكتىلەردىڭ ۇشەۋى پاۆلودار قالاسى پوليتسيا ءبولىمىنىڭ ۋاقىتشا ۇستاۋ يزولياتورىنا قامالدى, ال ەكەۋىنە قاتىستى ەشقايدا كەتپەۋ تۋرالى - بۇلتارتپاۋ شاراسى قولدانىلدى. زاتتاي ايعاقتار تاركىلەندى.
قازىرگى ۋاقىتتا وسى وعيعاعا قاتىستى قر قك-ءنىڭ 188-بابى 3-بولىگىنىڭ 2 جانە 3-تارماقتارىمەن, ياعني, بىرنەشە رەت; تۇرعىن, قىزمەتتiك نەمەسە وندiرiستiك ءۇي-جايعا, قويماعا نە كولىك قۇرالىنا زاڭسىز كiرۋمەن جاسالعان ۇرلىق بويىنشا سوتقا دەيىنگى تەرگەپ, تەكسەرۋ جۇمىستارى جۇرگىزىلۋدە", دەپ تۇيىندەدى ءسوزىن پوليتسيا پولكوۆنيگى.