تۇركىستان وبلىسىنداعى مەديتسينالىق ۇيىمداردىڭ كارانتيندىك ستاتسيونارلارىندا توسەك-ورىندار سانى ارتىپ, 400-گە جۋىقتادى. شەت مەملەكەتتەردەن كەلگەن ازاماتتار كوروناۆيرۋس ينفەكتسياسىنا سىناما تاپسىرىپ, ناتيجەسى شىققانعا دەيىن اتالمىش ورتالىقتاردا ۋاقىتشا وقشاۋلانادى. شەكارالاس اۋدانداردا باقىلاۋ كۇشەيتىلدى, دەپ Egemen.kz
وبلىستىق قوعامدىق دەنساۋلىق باسقارماسىنىڭ باسشىسى مارات پاشيموۆتىڭ مالىمەتىنشە, وقشاۋلاۋ ورتالىقتارى سارىاعاش, اتاكەنت, كەنتاۋ قالالارى مەن سايرام, قازىعۇرت جانە كەلەس اۋداندارىندا دا اشىلعان. سارىاعاش اۋداندىق ورتالىق اۋرۋحاناسىنا قاراستى كارانتيندىك ستاتسيونار 180 توسەك-ورىنعا ارتتى. سوڭعى مالىمەت بويىنشا, كارانتيندىك ستاتسيونارلاردا وبلىس بويىنشا 56 ادام دارىگەرلەردىڭ باقىلاۋىندا جاتىر.
قوعامدىق دەنساۋلىق باسقارماسىنىڭ باسشىسى مارات پاشيموۆ شەكارالاس اۋداندا ورنالاسقان كارانتيندىك ستاتسيوناردى ارالاپ, مەديتسينا قىزمەتكەرلەرىنىڭ ىندەتتىڭ تارالۋىنا توسقاۋىل قويۋ امالدارىن پىسىقتادى. اۋداندىق اۋرۋحانا زەرتحاناسىنىڭ تاۋلىگىنە 500-گە جۋىق كوروناۆيرۋس ينفەكتسياسىنا سىناما الۋ مۇمكىندىگى بار. تاياۋ ۋاقىتتا جەكە وتتەگى ستانتسياسى ىسكە قوسىلادى. ەمدەۋ مەكەمەسى 2-3 ايلىق ءدارى-دارمەك قورى جانە جەكە قورعانىس قۇرالدارىمەن تولىق قامتاماسىز ەتىلگەن.
ايتا كەتەلىك, 3-قاراشا كۇنگى دەرەك بويىنشا, سوڭعى ءۇش تاۋلىكتە وبلىستا كوروناۆيرۋس ينفەكتسياسىن جۇقتىرعان جاعداي تىركەلمەگەن.
تۇركىستان وبلىسى