اسقار مامين ءورت قاۋىپسىزدىگى سالاسىنا ءتيىستى ءمان بەرمەگەن وڭىرلەردى اتادى

"مەملەكەت باسشىسى جاڭادان قۇرىلعان توتەنشە جاعدايلار مينيسترلىگىنىڭ الدىنا ازاماتتىق قورعاۋ ماسەلەلەرىن دامىتۋ جانە جەتىلدىرۋ, ءورت قاۋىپسىزدىگىن قامتاماسىز ەتۋ, توتەنشە جاعدايلاردىڭ الدىن الۋ جانە جويۋ بويىنشا مىندەتتەر قويدى. ءتيىمدى ارەكەت ەتۋ جۇيەسىن قۇرۋعا باعىتتالعان شارالار قابىلداۋ قاجەت. ازاماتتار مەن ولاردىڭ مۇلكىن اۆاريالار مەن اپاتتاردان قورعاۋدى قامتاماسىز ەتۋ كەرەك. ستاتيستيكاعا قاراعاندا, كەيبىر وڭىرلەردە ءورت سانى, ادامداردىڭ جاراقاتتانۋى مەن قازا بولۋى كوبەيگەن. اسىرەسە, شىمكەنت, الماتى قالالارىندا, اقمولا, سولتۇستىك قازاقستان, قىزىلوردا وبلىستارىندا جەر ۇيلەردە ءورت سانىنىڭ كوبەيگەنىنە نازارلارىڭىزدى اۋدارعىم كەلەدى", دەدى ا. مامين.

ۇكىمەت وتىرىسىندا. وسى ورايدا پرەمەر-مينيستر ءورت نەگىزىنەن ەلەكتر جابدىقتارى مەن پەش جۇيەسىن دۇرىس پايدالانباۋ سالدارىنان شىعاتىنىن اتاپ ءوتتى.

"وڭىرلەردىڭ اكىمدەرى وسى ماسەلەنى ەرەكشە باقىلاۋعا الىپ, ءتيىستى شارالار قابىلداسىن. ماتەريالدىق-تەحنيكالىق جاراقتاندىرۋ تۋرالى قولدانىستاعى جول كارتاسىن 2018-2020 جىلدارى ىسكە اسىرۋ 404 ءورت ءسوندىرۋ ءاۆتوموبيلى مەن 19 مىڭ جابدىق پەن كەرەك-جاراق الۋعا مۇمكىندىك بەردى. مۇنىڭ ءوزى ءورت ءسوندىرۋ قىزمەتىنىڭ جاراقتاندىرىلۋ دەڭگەيىن جوعارىلاتتى. بۇل جۇمىس ەلوردادا, الماتى, شىمكەنت قالالارىندا, اتىراۋ جانە قاراعاندى وبلىستارىندا جاقسى جولعا قويىلعان. وسى رەتتە قوستاناي, ماڭعىستاۋ جانە پاۆلودار وبلىستارىنىڭ اكىمدىكتەرى وسى ماقساتقا جەتكىلىكتى قاراجات بولمەگەن", دەدى ۇكىمەت باسشىسى.