الماتى قالاسى اكىمىنىڭ ورىنباسارى ەرجان باباقۇماروۆ قازاقستانداعى بالا قۇقىقتارى جونىندەگى ۋاكىل ا. ساين جانە قالالىق ءبىلىم باسقارماسىنىڭ باسشىسى ل. جىلقىباەۆامەن بىرگە مامانداندىرىلعان «جانۇيا» كەشەنىنە باردى.
جەتىم بالالارعا ارنالعان «جانۇيا» مامانداندىرىلعان كەشەنىندە جەتىم بالالار, اتا-اناسىنىڭ قامقورلىعىنسىز قالعان, وقىتۋ مەن تاربيەلەۋ رەجيمى بار بالالار جانە مۇمكىندىگى شەكتەۋلى بالالار وقيدى.
كەشەندى ارالاۋ بارىسىندا بالالاردىڭ تۇرۋ جاعدايىن جاقسارتۋ, ساپالى وقىتۋدى قامتاماسىز ەتۋ ءۇشىن وقۋ ماتەريالدارىمەن جابدىقتاۋ ماسەلەلەرى تالقىلاندى. مەكەمە تاربيەلەنۋشىلەرىنىڭ دۇرىس تاماقتانۋى ماسەلەلەرىنە جەكە نازار اۋدارىلدى.
مەكەمە اۋماعىندا بالالار مەن قىزمەتكەرلەردىڭ جۇقتىرۋىن بولدىرماۋ ماقساتىندا سانيتارلىق-ەپيدەميالىق تالاپتاردىڭ ساقتالۋى جانە بارلىق قاجەتتى قورعانىس قۇرالدارىمەن قامتاماسىز ەتىلۋى تەكسەرىلدى.
جيىن قورىتىندىسى بويىنشا اكىمنىڭ ورىنباسارى ەرجان باباقۇماروۆ ءبىلىم باسقارماسى مەن مامانداندىرىلعان مەكەمە باسشىلىعىنا «جانۇيا» كەشەنىندە وقيتىن جەتىم جانە مۇمكىندىگى شەكتەۋلى بالالاردىڭ قۇقىعىن قامتاماسىز ەتۋ بويىنشا ناقتى تاپسىرمالار بەردى.