جەرگىلىكتى جاۋاپكەرشىلىگى شەكتەۋلى سەرىكتەستىكتەردىڭ بىرىنە تيەسىلى ءۇش “كاماز” كولىگىنىڭ اككۋمۋلياتورلارىن قولدى قىلعان ءۇش كۇدىكتى ۇستالدى, – دەپ حابارلايدى Polisia.kz.
5 قازان كۇنى قاراعاندى قالالىق پوليتسيا باسقارماسىنا قاراستى وكتيابر پوليتسيا بولىمىنە بەلگىسىز بىرەۋلەردىڭ ءۇش “كاماز” جۇك كولىگىنەن جالپى قۇنى 336 مىڭ تەڭگە تۇراتىن التى اككۋمۋلياتور ۇرلاپ كەتكەندىگى تۋرالى حابارلاما تۇسكەن. جۇك كولىكتەرىنىڭ بارلىعى جەرگىلىكتى جاۋاپكەرشىلىگى شەكتەۋلى سەرىكتەستىكتەردىڭ بىرىنە تيەسىلى ەكەنى بەلگىلى بولدى.
كولىكتەر قۇرىلىس الاڭىنا ماتەريال اكەلىپ تۇرعان. 1 قاراشا كۇنى كريمينالدىق پوليتسيا قىزمەتكەرلەرى جەدەل-ىزدەستىرۋ ءىس-شارالارىن وتكىزۋ بارىسىندا وسى ىسكە قاتىسى بار دەگەن كۇدىكپەن ءۇش ازاماتتى ۇستادى. كۇدىكتىلەردەن ايعاق زاتتار تاركىلەندى. اتالعان فاكت بويىنشا قازاقستان رەسپۋبليكاسى قىلمىستىق كودەكسىنىڭ 188-بابىنا (ۇرلىق) سايكەس قىلمىستىق ءىس قوزعالىپ, تەرگەۋ امالدارى جۇرگىزىلۋدە.