قاراشادا اۋا رايى قانداي بولادى؟

اۋانىڭ ورتاشا ايلىق تەمپەراتۋراسى تەك وڭتۇستىك شەتىندە +1+6°س وڭ بولىپ قالادى, ال قالعان اۋماقتا ول قازىردىڭ وزىندە تەرىس: سولتۇستىك وبلىستاردا -6-9°س, قيىر شىعىستا -11-14°س, قالعان اۋماقتا -0, -5°س.

رەسپۋبليكانىڭ سولتۇستىگىندە, سونداي-اق شىعىس پەن وڭتۇستىك-شىعىستىڭ تاۋلى جانە تاۋ بوكتەرىندەگى اۋداندارىندا ايلىق جاۋىن-شاشىن ازايادى, ال قالعان اۋماقتاردا, كەرىسىنشە, كوبەيەدى.

جاۋىن-شاشىن (كوبىنەسە قار), بۇرقاسىنمەن ەكپىندى جەل, كوكتايعاق, تۇمان ءجيى ءبىر اي بويى كۇتىلەدى.

قاراشا ايىنىڭ باسىندا قر سولتۇستىك جارتىسى مەن ورتالىعىندا, ودان كەيىن شىعىستا جاۋىن-شاشىن (جاڭبىر, قار) جانە اۋا تەمپەراتۋراسىنىڭ تۇندە -3-11°س, كۇندىز -5+3°س دەيىن بىرتىندەپ تومەندەۋى كۇتىلەدى. سودان كەيىن ءبىرىنشى ونكۇندىكتىڭ ەكىنشى جارتىسىندا اۋا تەمپەراتۋراسىنىڭ تۇندە -6+2°س دەيىن, كۇندىز +3+8°س دەيىن جوعارىلاۋى بولجانادى, ونكۇندىكتىڭ سوڭىندا اۋا تەمپەراتۋراسىنىڭ تۇندە-5-13°س دەيىن, كۇندىز 0,-8°س دەيىن تومەندەۋى كۇتىلەدى.

ەلىمىزدىڭ باتىسى مەن وڭتۇستىك-باتىسىندا جاڭبىر جاۋىپ, كۇندىز اۋا تەمپەراتۋراسى +13+22°س-قا دەيىن كوتەرىلەدى. جاۋىن-شاشىن (جاڭبىر, قار) جانە اۋا تەمپەراتۋراسىنىڭ ءبىرىنشى ونكۇندىكتىڭ سوڭىندا تۇندە -5-10°س دەيىن, وڭتۇستىك-باتىستا -3°س دەيىن, كۇندىز -3+5°س دەيىن تومەندەۋى بولجانادى.

رەسپۋبليكانىڭ وڭتۇستىك جانە وڭتۇستىك-شىعىسىندا ونكۇندىكتىڭ ءبىرىنشى جانە ەكىنشى جارتىسىندا جاۋىن-شاشىن كۇتىلەدى. ءبىرىنشى ونكۇندىكتىڭ ءبىرىنشى جارتىسىندا اۋا كۇندىز +10+18°س دەيىن جىلىنادى, ونكۇندىكتىڭ ورتاسىندا جانە سوڭىندا اۋا تەمپەراتۋراسى تۇندە -5+3 دەيىن, وڭتۇستىك-شىعىستا -10°س دەيىن, كۇندىز +3+10°س دەيىن, الماتى وبلىسىنىڭ تاۋلى اۋداندارىندا 0°س دەيىن تومەندەيدى دەپ كۇتىلۋدە.

رەسپۋبليكانىڭ سولتۇستىك جارتىسىنداعى ەڭ سۋىق كۇندەر ەكىنشى جانە ءۇشىنشى ونكۇندىكتەردىڭ سوڭىندا بولجانادى, تەرمومەتر باعاندارى تۇنگى ساعاتتاردا -10-20°س دەيىن, قيىر سولتۇستىكتە -22-27°س دەيىن, كۇندىز -5-18°س دەيىن تومەندەيدى. ءبىرىنشى ونكۇندىكتىڭ سوڭىندا - +12+20°س.

ءبىر اي ىشىندە جىلى جانە ايازدى كۇندەردىڭ ءجيى وزگەرۋى كۇتىلۋدە, اسىرەسە ەلدىڭ سولتۇستىك جارتىسىندا.

وسىلايشا, قازاقستاننىڭ باسىم بولىگىندە اۋا تەمپەراتۋراسى نورماعا جۋىق, ەلدىڭ سولتۇستىك-باتىس جارتىسىندا – نورمادان 1°س جوعارى, وڭتۇستىكتىڭ, وڭتۇستىك-شىعىس پەن شىعىستىڭ تاۋلى جانە تاۋ بوكتەرلى اۋداندارىندا - نورمادان 1°س تومەن بولادى دەپ كۇتىلۋدە.

قاراشا جاۋىن-شاشىندى بولادى دەپ كۇتىلۋدە, تەك رەسپۋبليكانىڭ وڭتۇستىك-باتىس جارتىسىندا جاۋىن-شاشىن مولشەرى نورمادان از بولادى دەپ بولجانۋدا.

قاراشا ايىندا قار جامىلعىسى پايدا بولادى جانە ورناتىلادى. كوپجىلدىق دەرەكتەر بويىنشا قار جامىلعىسىنىڭ بەلگىلەنگەن كۇنى:

سولتۇستىك جانە شىعىس وڭىرلەردە - ءبىرىنشى ونكۇندىكتىڭ سوڭىندا جانە قاراشانىڭ ورتاسىندا,

قازاقستاننىڭ ورتالىق بولىگىندە – قاراشانىڭ ەكىنشى جارتىسىندا,

ەلدىڭ باتىسى مەن وڭتۇستىك-شىعىسىندا – قاراشانىڭ اياعى مەن جەلتوقساننىڭ ءبىرىنشى جارتىسىندا,

رەسپۋبليكانىڭ وڭتۇستىگىندە جانە وڭتۇستىك-باتىسىندا جەلتوقساننىڭ ءۇشىنشى ونكۇندىگىندە.