جامبىل وبلىسىنىڭ مويىنقۇم اۋدانىندا تۇراتىن تۇرعىندار ءۇشىن وسى ۋاقىتقا دەيىن باستى ماسەلە باسپانا بولىپ كەلگەن بولاتىن. اسىرەسە كوپبالالى ءۇيسىز, ءۇي كەزەگىندە تۇرعان وتباسىلار ءۇشىن تۇرعىن ءۇي كۇردەلى ماسەلە ەدى. ءتىپتى ولار اۋدان اكىمىنىڭ قابىلداۋىندا بولىپ, تۇرعىن ءۇي دە سۇراپتى. جەرگىلىكتى بيلىك تە تۇرعىنداردىڭ ءوتىنىشىن ەسكەرىپ, ولاردى جاتاقحانامەن قامتۋ تۋرالى ۇيعارىمعا كەلگەن.
مويىنقۇم اۋدانىنىڭ اكىمى مادەن مۇساەۆتىڭ ۇسىنىسىمەن اعىمداعى جىلدىڭ باسىندا قاراۋسىز, جوندەۋسىز تۇرعان 4 قاباتتى جاتاقحاناعا اۋدان بيۋدجەتىنەن 27 ميلليون تەڭگە ءبولىنىپ, ول قاراجاتقا اتالعان جاتاقحانانىڭ ءبىرىنشى جانە ەكىنشى قاباتتارى جوندەۋدەن وتكىزىلگەن. ءتىپتى شاتىرى اۋىستىرىلىپ, ىشىنە ورتالىقتاندىرىلعان جىلىتۋ باتارەيالارى جۇرگىزىلىپ, اۋىزسۋ مەن اجەتحانا ىشكە كىرگىزىلگەن. بۇگىنگى تاڭدا 6 كوپبالالى, جالعىزىلىكتى ءۇي كەزەگىندەگى وتباسىلارعا ءبىرىنشى قاباتتان جاتاقحانا كىلتتەرى بەرىلدى. اۋدان اكىمى مادەن مۇساەۆ باسپانالى بولعان ازاماتتاردى قۇتتىقتاپ, جاتاقحانا كىلتتەرىن سالتاناتتى تۇردە تابىس ەتتى. ال, باسپانالى بولعان تۇرعىندار دا ءبىرىن-ءبىرى قۇتتىقتاپ, شاشۋ شاشىپ, اۋدان باسشىلىعىنا العىس ايتتى.
جامبىل وبلىسى