قاراقيا اۋدانىنا قاراستى قۇرىق اۋىلىندا ورنالاسقان "جىگەر" مۇگەدەكتەر سپورت كلۋبىنا "وعلاندى-بەكەت اتا" قورى قولداۋ كورسەتىپ, فيتنەس ورتالىققا سپورتتىق قۇرال جابدىقتار تابىستادى. بۇل تۋرالى قاراقيا اۋداندىق مادەنيەت جانە سپورت ءبولىمىنىڭ باسشىسى دۇيسەنباي اتاعاراەۆ ءمالىم ەتتى.
"ونىڭ ىشىندە 1 دانا كەشەندى جاتتىعۋ قۇرالى, 1 دانا قولعا ارنالعان جاتتىعۋ قۇرالى, 2 دانا اياقتى جىتتىقتىرۋ قۇرالى, 3 دانا جاتتىعۋ ۆەلوسيپەدى, 3 دانا اياققا ارنالعان ستەپر, ۇستەل تەننيسىنە ارنالعان قۇرال جابدىقتار, سپورتتىق كيىمدەر سەكىلدى سپورتتىق قۇرالدار بەرىلدى", دەدى دۇيسەنباي اتاعاراەۆ.
قاراقيا اۋداندىق مادەنيەت جانە سپورت ءبولىمى وسى ءىستىڭ باسى-قاسىندا ءجۇرىپ, دەمەۋشىلىك كورسەتكەن «وعلاندى-بەكەت اتا» قورىنىڭ ديرەكتورى تۇرعانباي ساۋلە ۇلى قاجىعا ءوز العىستارىن جەتكىزدى.
ماڭعىستاۋ وبلىسى