الماتىداعى پەدياتريا جانە بالالار حيۋرگياسى عىلىمي ورتالىعىنىڭ حيرۋرگ-دارىگەرلەرى سيرەك كەزدەسەتىن باۋىردىڭ قاتەرلى ىسىگىنە شالدىققان 30-دان استام بالانىڭ اعزاسىن ساقتاي وتىرىپ, وسىناۋ وتالاردى ساتىمەن جۇزەگە اسىردى.
گەپاتوبلاستوما – ەرتە باستان داميتىن ەمبريونالدى باۋىردىڭ سيرەك كەزدەسەتىن قاتەرلى ىسىگى. ەلىمىزدە جىل سايىن 15 جاسقا دەيىنگى 1 ميلليون بالانىڭ بىرەۋىندە گەپاتوبلاستوما بار ەكەنى انىقتالادى. بۇل جىلىنا 5-6 جاعدايعا سايكەس كەلەدى. ياعني, 90% جاعدايدا ىسىك 5 جاسقا دەيىن انىقتالادى جانە جاسىنا بايلانىستى اۋرۋدىڭ ەكى ۇدەمەلى كەزى بار: ءبىرىنشىسى تۋىلا سالا نەمەسە ءبىر ايلىعىندا, ودان كەيىن 16–18-ءشى ايلارىندا ءورشيدى.
ماماندار گەپاتوبلاستوما ادەتتە باۋىردىڭ وڭ جاق بولىگىنە اسەر ەتەتىن ەسكەرتەدى. جانە ول اقشىل-سارى ءتۇستى ءبىر نەمەسە بىرنەشە تۇيىندەردەن تۇرادى, كاپسۋلالارى جوق, باۋىر تىنىنە ەركىن ەنىپ, ءوت شىعارۋعا قابىلەتتى. بىراق باۋىردىڭ ەكى جاق بولىگىنە دە زاقىم كەلۋى مۇمكىن.
"بۇگىنگى تاڭدا بالالارداعى گەپاتوبلاستومانى ەرتە انىقتاۋدىڭ نەگىزگى ماسەلەسى – ىسىكتىڭ سيرەك كەزدەسەتىنى جانە پاتسيەنتتەردىڭ وتە كىشكەنتايلىعىندا بولىپ وتىر. سوندىقتان بۇل كەيدە دياگنوز قويۋدا قيىندىقتار تۋعىزادى جانە ىسىك بۇكىل باۋىرعا اسەر ەتىپ, مەتاستازدارى بولعان كەزدە اسقىنۋعا اكەلەدى. سوندىقتان بالالارداعى وسى پاتولوگيانى ۋاقتىلى انىقتاۋ تۇرعىسىنان قوعام مەن دارىگەرلەردىڭ كوڭىل ءبولۋىن, قىراعىلىعىن ارتتىرۋ ماڭىزدى. ويتكەنى دەر كەزىندە جاسالىناتىن حيميوتەراپيا مەن حيرۋرگيالىق ەمدەۋدىڭ زاماناۋي ادىستەرى ءومىردى ۇزارتىپ, كەيبىر جاعدايلاردا ءتىپتى تولىق قالپىنا كەلتىرۋگە مۇمكىندىك بەرەدى.
بۇگىنگى تاڭدا حيميوتەراپيا مەن ورگان ساقتايتىن وتا جاساۋعا دەيىنگى كۋرستاردى قولدانۋدىڭ ارقاسىندا بالالارداعى گەپاتوبلاستومانى ەمدەۋدىڭ تيىمدىلىگى 90%-دى قۇرادى. پەدياتريا جانە بالالار حيۋرگياسى عىلىمي ورتالىعىندا سوڭعى 7 جىل ىشىندە بالالارداعى باۋىر رەزەكتسياسى بار قاتەرلى ىسىگىنە 30-دان استام وتا جاسالدى", دەيدى پەدياتريا ورتالىعىنىڭ حيرۋرگيالىق بلوك باسشىسى, حيرۋرگ-دارىگەر, كونستانتين حايروۆ.
گەپاتوبلاستومانىڭ دامۋىنىڭ باستاپقى كەزەڭى ايقىن سيمپتومدارسىز جۇرەدى, كوڭىل بولەتىن بەلگىلەر بالادا ءىشتىڭ ۇلعايۋى, تىعىز ءىسىنۋدىڭ پايدا بولۋى (كوبىنەسە وڭ جاقتا) جانە اۋىرسىنۋ بەلگىلەرى بولۋى مۇمكىن. گەپاتوبلاستومانىڭ ءورشۋى تابەتتىڭ جوعالۋىمەن, دەنە سالماعىنىڭ تومەندەۋىمەن, جۇرەك اينۋىمەن, السىزدىكپەن قاتار جۇرەدى. دياگنوز كەش قويىلعان جاعدايدا گەپاتوبلاستوما جاسۋشالارى گەماتوگەندى جولمەن وكپەگە, ميعا, سۇيەكتەرگە جانە ءىش قۋىسىنا مەتاستازدار تۇزە الادى.
بۇل وتا كلينيكادا 2013 جىلدان بەرى جاسالىنىپ كەلەدى.
الماتى