تۇركىمەنستان 2021 جىلدىڭ 1 قاڭتارىنا دەيىن مەملەكەتتىك شەكارادان وتۋگە جانە حالىقارالىق كولىك بايلانىستارىنا ۋاقىتشا شەكتەۋلەر ەنگىزدى. بۇل تۋرالى بۇگىن Orient اقپاراتتىق اگەنتتىگى حابارلادى, دەپ جازادى Egemen.kz
شەكتەۋلەر تۇركىمەنستان ازاماتتارىنا, شەتەلدىكتەرگە جانە ازاماتتىعى جوق ادامدارعا قولدانىلادى. جەكە قابىلدانعان شەشىمدەردى قوسپاعاندا, حالىقارالىق اۋە, تەڭىز, تەمىرجول جانە اۆتوموبيل بايلانىستارىنداعى شەكتەۋلەر دە ۇزارتىلدى.
"بۇل شارالار ەلگە جەدەل جۇقپالى اۋرۋلاردىڭ اكەلىنۋى مەن تارالۋىن بولدىرماۋ ماقساتىندا ەنگىزىلىپ وتىر", دەلىنگەن حابارلامادا.
ەسكە سالايىق, وسىعان دەيىن 30 قازاندا تۇركىمەنستان ءوز ازاماتتارىن قازاقستاننان قايتارىپ الىپ كەتكەن ەدى.