رۋدنىي قالاسىنىڭ اكىمى قۋاندىق يسپەرگەنوۆ ءوزىنىڭ قانشا جالاقى الاتىنىن ايتتى, دەپ حابارلايدى Egemen.kz. بۇل تۋرالى ول ءوزىنىڭ ينستاگرام پاراقشاسى ارقىلى قالا تۇرعىندارىنا جاساعان ۇندەۋىندە مالىمدەگەن.
قالا اكىمى ءوزىنىڭ وتباسىن رۋدنىيعا كوشىرىپ العانىن جانە قالانىڭ قاي شاعىناۋدانىندا تۇراتىنىن جاسىرماي ايتتى.
"كوپتەگەن ادام مەنىڭ جالاقىم مەن وتباسىمنىڭ تۇرعىلىقتى جەرىنە قىزىعۋشىلىق تانىتادى. بۇعان دەيىن حابارلاعانىمداي, ءوز وتباسىمدى رۋدنىي قالاسىنا كوشىردىم جانە ءبىز 20-شى شاعىن اۋداندا تۇرامىز. مەنىڭ جالاقىم مىندەتتى اۋدارىمداردان كەيىن 390 مىڭ تەڭگەدەن ءسال اسادى", دەدى ول.