اسقار مامين اقمولا وبلىسىنا جۇمىس ساپارىمەن باردى

ستەپنوگورسك قالاسىندا ۇكىمەت باسشىسى اگروونەركاسىپتىك سەكتور, حيميا ونەركاسىبى جانە تاۋ-كەن مەتاللۋرگيا كەشەنى كاسىپورىندارىنا – "قازاقستاننىڭ جىلىجاي تەحنولوگيالارى", "ستەپنوگورسك" ەمك" مويىنتىرەك زاۋىتىنا, پەستيتسيدتەردى شىعاراتىن "استانا-نان Chemicals" زاۋىتىنا, "ستەپنوگورسك تاۋ-كەن حيميا كومبيناتىنا", "قازاقالتىن Technology" جانە "اقسۋ Technology" كاسىپورىندارىنا باردى.كوكشەتاۋ قالاسىندا پرەمەر-مينيستر 200 توسەك ورنىنا ارنالعان ءمودۋلدى جۇقپالى اۋرۋلار اۋرۋحاناسىن, وڭىرگە جەتكىزىلگەن ەلىمىزدە قۇراستىرىلعان جىلجىمالى مەديتسينالىق كەشەندەردى, جەدەل جاردەم ماشينالارىن قاراپ شىقتى. ۇكىمەت باسشىسىنا وڭىردەگى سانيتارلىق-ەپيدەميولوگيالىق جاعداي جانە كوروناۆيرۋس ينفەكتسياسىنىڭ جاڭا تولقىنىنا دايىندىق شارالارى تۋرالى باياندالدى.

ا. مامين قالانىڭ الەۋمەتتىك, تۇرعىن ءۇي جانە كولىك ينفراقۇرىلىمى وبەكتىلەرىنىڭ سالىنۋ بارىسىمەن, ىسكە اسىرىلىپ جاتقان جانە پەرسپەكتيۆالى ينۆەستيتسيالىق جوبالارمەن, سونداي-اق وسى جىلعى قاراشا ايىندا وتەتىن قر مەن رف ايماقارالىق ىنتىماقتاستىق فورۋمىنا دايىندىق جۇمىستارىمەن تانىستى.

كوكشەتاۋ قالاسى ەكونوميكاسىنىڭ قالا قۇراۋشى سالالارى — ماشينا جاساۋ, قۇرىلىس يندۋسترياسى, ازىق-ت ۇلىك جانە جەڭىل ونەركاسىپ, كولىك-لوگيستيكا قىزمەتتەرى. 2020 جىلدىڭ 10 ايىندا قالادا ونەركاسىپتىك ءوندىرىس كولەمى 41,4%-عا – 108,1 ملرد تەڭگەگە دەيىن, ينۆەستيتسيالار كولەمى 1,7 ەسە – 49,8 ملرد تەڭگەگە دەيىن, قۇرىلىس جۇمىستارى 1,9 ەسە – 25,9 ملرد تەڭگەگە دەيىن ءوستى. بۋراباي اۋدانىنىڭ ششۋچينسك قالاسىندا پرەمەر-مينيستر "IQanat High School of Burabay" مەكتەبىنە بارىپ, بۋراباي ك. تۋريستىك ينفراقۇرىلىمىن دامىتۋ ماسەلەلەرى جونىندە كەڭەس وتكىزدى.

ۇكىمەت باسشىسى ششۋچينسك – بۋراباي كۋرورتتىق ايماعىن دامىتۋدىڭ 2012-2020 جىلدارعا ارنالعان جوسپارى اياسىندا كوزدەلگەن بارلىق ءىس-شارالاردى اياقتاۋ, سونىمەن قاتار تۋريزم سالاسىن دامىتۋدىڭ مەملەكەتتىك باعدارلاماسىن ىسكە اسىرۋ جونىندەگى جۇمىستى جانداندىرۋ قاجەتتىگىن اتاپ ءوتتى.2020 جىلدىڭ 10 ايىندا اقمولا وبلىسىندا اۋىل شارۋاشىلىعىنىڭ جالپى ءونىم كولەمى 18,1%-عا – 509,7 ملرد تەڭگەگە دەيىن, ونەركاسىپتىك ءوندىرىس 6,8%-عا –  732 ملرد تەڭگەگە دەيىن, نەگىزگى كاپيتالعا سالىنعان ينۆەستيتسيالار 23%-عا – 297,6 ملرد تەڭگەگە دەيىن ارتتى.