كەشە ارال اۋدانىنىڭ قاراتەرەڭ اۋىلى تۇسىندا اڭعا شىققان اقتوبە قالاسى تۇرعىنىنىڭ حابارسىز كەتىپ, ونى توتەنشە جاعداي, جەرگىلىكتى پوليتسيا مەن اۋدان اكىمدىگىنەن جاساقتالعان توپ ىزدەپ جاتقاندىعىن حابارلاعان ەدىك.
وبلىستىق توتەنشە جاعداي دەپارتامەنتى ءورت ءسوندىرۋ جانە اۆاريالىق-قۇتقارۋ جۇمىستارى قىزمەتىنىڭ باستىعى نۇرسۇلتان يبراگيموۆتىڭ ايتۋىنشا بۇگىن تاڭ اتا ىزدەۋگە 1 تەحنيكامەن شىققان 4 قۇتقارۋشىعا اڭشىلار توبى دا قوسىلدى. تاڭعى 8 ساعات 45 مينۋتتا حابارسىز كەتكەن ازامات اڭشىلار تۇراىنان 8 شاقىرىم قاشىقتىقتان تابىلدى.
وقيعا ورنىنا جەدەل جەتكەن قۇتقارۋشىلار جولدان اداسقان اڭشىعا العاشقى مەديتسينالىق جانە پسيحولوگيالىق كومەك كورسەتتى.