قىزىلوردا وبلىسىنىڭ ارال اۋدانىندا توتەنشە جاعداي ماماندارى مەن پوليتسيا, جەرگىلىكتى اكىمدىك قىزمەتكەرلەرى اڭعا كەتىپ, ورالماعان ادامدى ىزدەپ جاتىر, دەپ حابارلايدى Egemen.kz.
كەشە وسى اۋدانداعى قاراتەرەڭ ەلدى مەكەنىنەن ارال تەڭىزىنە قاراي ءۇش ادام قۇس اتۋعا شىعادى. بىرنەشە ساعاتتان كەيىن اڭشىلاردىڭ ءبىرى جوعالىپ كەتىپ, قاسىنداعى سەرىكتەرى ونى ىزدەۋگە كىرىسىپتى. حابارسىز كەتكەن 46 جاستاعى ازامات اقتوبە قالاسىنان كەلگەن بولىپ شىقتى.
بۇگىنگى ىزدەۋ جۇمىستارى "كوكارال" بوگەتىنەن باستالدى. ىزدەستىرۋ جۇمىستارىنا قىزىلوردا وبلىسى ءورت ءسوندىرۋ قىزمەتى جەدەل-قۇتقارۋ جاساعىنان 4 قۇتقارۋشى, 1 تەحنيكا, جەرگىلىكتى پوليتسيادان 8 قىزمەتكەر, 2 تەحنيكا جانە اۋدان اكىمدىگىنەن 5 قىزمەتكەر, 2 تەحنيكا جۇمىلدىرىلىپ وتىر.ىزدەۋشىلەر بوگەتتەن 30 شاقىرىمعا دەيىن ۇزاپ, كول ماڭايىنداعى باتپاقتى اۋماقتى شولىپ شىقتى.
قىزىلوردا وبلىسى