پارا الدى دەگەن كۇدىكپەن ۇستالعان اتىراۋ وبلىسى اكىمىنىڭ ءبىرىنشى ورىنباسارى نۇرلان تاۋباەۆ وبلىس اكىمى ماحامبەت دوسمۇحامبەتوۆتەن ونى قىزمەتىنەن بوساتۋدى سۇرادى, دەپ حابارلايدى Egemen.kz
تاۋباەۆتىڭ ءوتىنىشىن ادۆوكاتى يگور ۆرانچەۆ Facebook جەلىسىندەگى پاراقشاسىندا جاريالادى.
"قۇرمەتتى وبلىس تۇرعىندارى. مەن شەشىم قابىلدادىم, 22 قازاندا اتىراۋ وبلىسى اكىمىنىڭ اتىنا مەنى اكىمنىڭ ءبىرىنشى ورىنباسارى لاۋازىمىنان بوساتۋ تۋرالى ءوتىنىش بەردىم.
بۇل شەشىم تەرگەۋ جۇرگىزىلىپ جاتقان قىلمىستىق ءىس بويىنشا مەنىڭ كىنامدى مويىنداۋمەن بايلانىستى ەمەس, مەن كىنام جوق ەكەنىن دالەلدەۋگە نيەتتىمىن, ويتكەنى مەنى ايىپتايتىنداي ەشتەڭە جاسامادىم.
اتىراۋ وبلىسى اكىمىنىڭ ءبىرىنشى ورىنباسارىنا جاۋاپتى جۇمىس ۋچاسكەسى جۇكتەلدى, ءماسليحات پەن ءماجىلىس سايلاۋى وتەدى, وسىعان بايلانىستى مەن ارىپتەستەرىمنىڭ جانە اتىراۋ وبلىسى اكىمىنىڭ اتىنا قانداي دا ءبىر كۇدىك كەلتىرگىم كەلمەيدى.
وسىعان بايلانىستى جانە تەك وسى سەبەپپەن وسىنداي شەشىم قابىلدادىم. تاۋباەۆ ن. ب.", دەلىنگەن حابارلامادا.