شىعىس قازاقستان وبلىسى پوليتسيا دەپارتامەنتىنىڭ كوشى-قون قىزمەتىنە التاي اۋدانىنداعى ومىرلىك قيىن جاعدايدا قالعان ادامداردى الەۋمەتتەندىرۋ ورتالىعىنىڭ مامانى جۇگىنىپ, 1974 جىلدان بەرى رەسەيلىك تولقۇجاتپەن جۇرگەن 63 جاستاعى زەينەتكەرگە كومەك كورسەتۋدى سۇراعان, دەپ حابارلايدى Egemen.kz
انىقتالعانداي, ايەل ادام قازاقستان رەسپۋبليكاسىنا 1985 جىلى رەسەي فەدەراتسياسىنىڭ پەرم وبلىسىنان كوشىپ كەلگەن. ول قازاقستان ازاماتتىعىنىڭ جەكە كۋالىگىن الماي, 1974 جىلعى ۇلگىدەگى پاسپورتپەن ءجۇردى. 2012 جىلى ءوز بەتىمەن كۋالىگىن اۋىستىرىپ كورمەك بولىپ ەدى, بىراق ونىسىنان تۇك شىقپاعان.
"پوليتسەيلەر قىسقا ۋاقىت ىشىندە قاجەتتى اقپاراتتاردى الۋ ءۇشىن رەسەيگە سۇراۋحات جىبەردى. ءتيىستى جاۋاپ الىنعاننان كەيىن زەينەتكەرگە قازاقستان رەسپۋبليكاسى ازاماتىنىڭ جەكە كۋالىگى جاسالعان", دەپ حابارلادى دەپارتامەنتتىڭ ءباسپاسوز قىزمەتى.
ءوز كەزەگىندە اننا الەكساندروۆنا پوليتسيا قىزمەتكەرلەرىنە قۇجاتتاردى دايىنداۋعا كومەكتەسكەندەرى ءۇشىن العىسىن جەتكىزدى.
وسى رەتتە, شقو پد كوشى-قون قىزمەتى ءالى جەكە باسىن كۋالاندىراتىن قۇجاتتاردى الماعان تۇرعىندارعا وزدەرىنىڭ تۇرعىلىقتى جەرى بويىنشا پوليتسيا بولىمشەسىنە جۇگىنۋى قاجەتتىگىن ەسكە سالدى.