شىمكەنت قالاسىندا مەكتەپتەردىڭ اعىمداعى جوندەۋ جۇمىستارى تولىق اياقتالدى. قالادا 25 مەكتەپ كۇردەلى جوندەۋدى قاجەت ەتەدى. بيىل 7 ءبىلىم وشاعىندا كۇردەلى جوندەۋ جۇمىستارى اياقتالىپ, پايدالانۋعا تاپسىرىلدى. الداعى جىلى 5 مەكتەپتىڭ عيماراتىنا كۇردەلى جوندەۋ جۇرگىزۋگە جسق دايىنداۋ ءۇشىن قارجى قارالعان, دەپ حابارلايدى Egemen.kz
سونىمەن قاتار, قازىرگى تاڭدا 4 بالاباقشادا كۇردەلى جوندەۋ جۇمىستارى تولىعىمەن ورىندالدى. قالعان 2 مەكەمەنىڭ قۇرىلىسىن جەلتوقسان ايىنا دەيىن اياقتاۋ جوسپارلانۋدا.
قالادا جالپى 9 مەملەكەتتىك بالاباقشا عيماراتىن كۇردەلى جوندەۋدەن وتكىزۋ قاجەت. كەلەسى جىلى 3 بالاباقشانىڭ قۇرىلىس جۇمىستارىنا جوبالاۋ-سمەتالىق قۇجاتتارى ازىرلەنۋدە.
سونداي-اق, بيىل "جول-كولىك" كوللەدجىنىڭ جاتاقحاناسى, ءۇش تىلدە وقىتاتىن مامانداندىرىلعان №1 مەكتەپ-ينتەرناتىنىڭ جاتاقحاناسى, "3 بالالار ەستەتيكالىق ساز مەكتەبى" عيماراتى كۇردەلى جوندەۋدەن ءوتتى.
قالانىڭ دەموگرافيالىق وسىمىنە بايلانىستى جىل سايىن مەكتەپ وقۋشىلارىنىڭ سانى 12 مىڭنان استام بالاعا ارتىپ وتىرادى. اپاتتى مەكتەپتەر سانىنىڭ ارتۋىنىڭ الدىن الۋ ماقساتىندا جىل سايىن مەكتەپ عيماراتتارىنىڭ تەحنيكالىق جاعدايىنا تالداۋ جۇرگىزىلىپ, ناتيجەسى بويىنشا كۇردەلى جانە اعىمداعى جوندەۋ جۇمىستارى اتقارىلۋدا.