ۋيليام شەكسپيردىڭ العاشقى پەسالار جيناعىنىڭ تۇپنۇسقا كوشىرمەسى Christie’s اۋكتسيونىندا 10 ميلليون دوللارعا ساتىلىپ, ادەبي شىعارمالاردىڭ اۋكتسيوندىق باعاسىندا الەمدىك رەكورد جاڭارتتى.
اعىلشىننىڭ ايگىلى اقىنى ءھام دراماتۋرگ شەكسپير شىعارماسىنىڭ جاڭا رەكورد ورناتقان اۋكتسيونى نيۋ-يورك قالاسىندا ءوتتى. 10 ملن دوللارعا ساتىلعان جيناق, ياعني اۆتوردىڭ «العاشقى فوليانتى» – شەكسپيردىڭ قازاسىنان سوڭ جەتى جىلدان كەيىن 1623 جىلى جارىق كورگەن. ساراپشىلاردىڭ پىكىرىنشە, بۇل – انتيكۆاريات نارىعىندا «شامامەن, داۋىردە ءبىر رەت» بولاتىن سيرەك لوت. ال سيرەك لوتتىڭ باستى كەيىپكەرى كىم دەيسىز عوي؟ ول – ەسكى كىتاپتار كوللەكتسيونەرى ستەفان ليوۆەنتحەيل.
شەكسپيردىڭ ءدال وسى پەسالار جيناعى جارىق كورگەن كەزدە دراماتۋرگتىڭ 36 تۋىندىسىنىڭ 18-ءى العاش رەت باسىلىپ شىققان. ولاردىڭ قاتارىندا «ماكبەت», «داۋىل», «يۋلي تسەزار» سىندى شەدەۆر شىعارمالار بار. اۆتوردىڭ «العاشقى فوليناتىنىڭ», شامامەن 235 كوشىرمەسى بار ەكەنى بەلگىلى, بىراق ونىڭ ءبارى بىردەي تولىق ەمەس. قازىرگى ۋاقىتتا تەك التى كىتاپ قانا جەكە مەنشىكتىڭ قولىندا.
شەكسپير شىعارمالارىنىڭ اۋكتسيونداعى ساتىلىمى سوڭعى رەت 2001 جىلى رەكورد ورناتقان بولاتىن. ول كەزدە پەسالار جيناعىنىڭ كوشىرمەسى 6 ميلليون دوللارعا ساتىلعان ەدى.