10 ادامنان تۇراتىن توپ اقش-تان گادجەتتەردىڭ اۋقىمدى كونترابانداسى بويىنشا كۇدىككە ىلىندە, دەپ حابارلايدى Egemen.kz اقش ادىلەت مينيسترلىگىنىڭ سايتىنا سىلتەمە جاساپ.
نيۋ-يوركتىڭ شىعىس وكرۋگى بويىنشا پروكۋراتۋرانىڭ حابارلاۋىنشا, شامامەن 10 كۇدىكتى قۇنى 50 ميلليون دوللاردان اساتىن (شامامەن 21 ميلليارد تەڭگە) ەلەكتروندى قۇرالداردى زاڭسىز اكەتكەن دەپ ايىپتالۋدا.
Apple ونىمدەرى نەگىزىنەن اقش-تان تاسىمالدانعان. قۇرىلعىلاردى تاسىمالداۋ ءۇشىن كۇدىكتىلەر كۋرەرلەر قولداندى, ولاردىڭ كوپشىلىگى "اەروفلوتتىڭ" بۇرىنعى جانە قازىرگى قىزمەتكەرلەرى.
اقش بيلىگىنىڭ حابارلاۋىنشا, كۇدىكتىلەردىڭ ءبىرى - اقش-تا تۇراتىن قازاقستان ازاماتى, ەكىنشىسى - رەسەيدىڭ ازاماتى, ونىمەن اقش-تىڭ ءوزارا ۇستاپ بەرۋ تۋرالى كەلىسىمدەرى جوق. وسى سەبەپتى قاداعالاۋ ورگانى سۋديادان ايىپتالۋشىلاردىڭ قاشىپ كەتۋىنە بايلانىستى سوتتالۋشىلاردى ۇزاق ۋاقىت ۇستاۋدى سۇرادى. اقش ادىلەت مينيسترلىگىنىڭ سايتىندا جاريالانعان پەتيتسيادا قاماۋدان بوساتىلعان جاعدايدا ايىپتالۋشىنىڭ رەسەيگە, وزبەكستانعا نەمەسە قازاقستانعا قاشىپ كەتۋى مۇمكىن ەكەندىگى ايتىلعان.